網民怒斥港鐵扶手電梯安全大使阻街 意外起罵戰：企定定VS左行右企

網民狠批　扶手電梯安全大使阻街

近日，一位網民在社交平台Threads發帖，分享了自己在港鐵乘坐扶手電梯的經歷。該網民表示在急於趕路時，原本打算從扶手電梯的左側快速通過，卻意外發現三位穿著鮮紅色反光背心的港鐵扶手電梯安全大使，手持「握扶手 兩邊企定」的標語牌，分別站在電梯的兩側，用身體「提醒」乘客應該站立等待，出文指「當你趕時間諗住喺電梯左邊行落去但見到有職員着晒衫提你企定定」，表示無奈。

網民意見分歧：俾錢請人返嚟搭電梯

有不少網民對於港鐵的做法感到不滿，恥笑港鐵「俾錢請人返嚟搭電梯」，更認為「左行右企」是多年來的習慣，基本沒有必要改變。

• 「真係多鬼餘，夠膽試下返工時間去中環阻人行啦，行左幾十年，係而家啲人咁驚跌死」
• 「左行右企有咩問題？ 趕時間咪辛苦啲行上去，想hea 咪企下，唔明有咩問題」
• 「大佬呀，我想講你留返一邊俾啲人走佬好過，啲老人家拖住啲嘢慢慢喺前面行，唔通你推低佢啊，留返條路啊佢慢慢行啦！」
• 「請三條廢柴做呢啲，真係創造就業機會！」
• 「事實係一邊行滿人係快過你兩邊企」
• 「根本全企危險過左行右企，因為左邊行走確保到電梯上有流動性，一旦有突發意外啲人有位可逃。」

部分網民力撐港鐵：近10年做得最正確嘅嘢

不過，也有不少網民支持港鐵，認為做法正確，認為如果真的趕時間，應該提前出門，避免在電梯上行走。

• 「扶手電梯運作中係唔應該有人在上面走動，根本唔需要讓人行」
• 「其實日本都有研究顯示左左右都企係會快過左行右企走晒啲人！同埋如果大家都咁想last minute 趕嘅話，都唔好X人唔行，因為的確都一直宣導緊電梯上唔好行，點解因為人地守規矩就XX人？」
• 「趕時間應該去行樓梯，唔係行電梯」
• 「會好感激佢哋，右邊又要排長龍，左邊又要逼住行，其實我想喺左邊企，但係企後邊又會feel到後邊憤怒嘅情緒」