有片｜尖沙咀站上演「貓捉老鼠」女職員與白褸男展開激烈追逐

尖沙咀站「你追我跑」

有網民以「突發，尖沙咀站貓捉老鼠大戰，前面條友贏緊2個馬位，為咗1千蚊你既速度可以有幾快？」為題發佈影片，片中見到1名長髮女職員，在尖沙咀站大堂追趕著1名身穿白色褸的男子，惹來不少途人注視，期間女職員大叫「唔好跑」。

有另一位網民在Threads轉載影片，留言區中有名自稱任職「查飛隊」的網民表示

「尖沙咀站，畀我追到你那個人…希望你記得我啦，感謝你的罰款，希望你睇到 By:有份捉你第二個人」

馬上睇片

為了加強打擊逃票及違規使用車費等行為，港鐵已於去年6月上調附加費款額，罰款由港幣$500增加至$1,000。

網民：香港代表隊需要你

影片引起網民熱烈討論「捉逃票？」、「跑嘅步姿好得」、「職員跑步姿態好自然，有跑過下咁喎」、「香港代表隊需要你」、「兩位喺站內奔跑要罰款」、「港鐵馬拉松」、「去到電梯個個左右企穩，逃跑條友就輸呢個位」、「睇片覺得佢兩個都跑得好快」、「做下運動啫」、「港鐵應該要加人工畀呢位咁盡責的職員」、「跑步專才」、「入職前要考埋體能先得」，另外亦有人好奇事件的後續發展「最後點呢」。