港男行U記驚見紙紥禮盒 寫有2句祝福語令人心寒：真係大吉利是

港男行U記驚見紙紥禮盒 行近揭與新年有關

臨近農曆新年，相信部分人都有新年買新衫的習慣，因此各大服裝品牌都各出奇招，期望能夠在新年前創佳績過肥年。不過，有時過分包裝雖然能夠吸引市民，但亦有機會適得其反，令人卻步。早前，有港男行經日本服裝店Uniqlo時，就驚見店內部分衣物竟放在「紙紥禮盒」內，令他不禁影相發文與眾人分享「驚喜」。

寫有2句祝福語令人心寒

從發文者發布的相片中，可見Uniqlo店內放置了一個大型紙盒，入面放了幾件摺好的衫褲及Cap帽，全個擺位設計及所用物料均與紙紥舖販賣給先人的產品極度相似，難怪發文者無奈表示「U記…好似紙紥…」。一但接受了這個設定，就令「紙紥禮盒」上的2句祝福語變得極度心寒，只因上面寫有「喜迎新年、歲歲安然」，全個設計配合這兩句說話，令人感到似有「講反話」的意味。

行過見到嚇一跳：真係大吉利是

帖文一出旋即引來大批網民關注，而原來除了發文者，部分網民均表示自己行過Uniqlo時亦被嚇一跳，「新年流流搞啲咁嘅嘢」、「真係以為入錯舖頭」，有網民更笑稱「今次真係大吉利是」。亦有網民百無禁忌，直指「買真嘅嚟燒俾先人，先人可能開心啲」、「U記發展殯儀業務」、「可能搵得多過賣俾生勾勾嘅人」。