IVE仔畢業做呢行月入12K 父母係超級打工仔月入20萬 被贈7字一聽即爆喊

港男IVE畢業任職便利店 月入僅1.2萬

早前，一位港男在討論區上發千字文，渲洩自己對生活的不如意。他表示自己的家庭美滿，與父母及比他年長4歲的姐姐關係一直良好，惟自己卻「唔爭氣」，在香港專業教育學院（IVE）文科畢業後，現時在便利店工作，每月收入僅得1.2萬元。他坦言自己每個月有「象徵式」交租6,000元，而目前為止戶口有10萬元積蓄，令他感覺與事業有成，有穩定儲蓄及收入的家人有遙遠距離。

出生富貴家庭 因1事與家人有距離

事主揚言自己的家庭尚算富裕，家庭資產有逾2,000萬元，年約50歲的父母和比他年長4歲的姐姐都是「超級上班族」，在「財星美國500強」公司任職經理級，每人月入逾10萬元。雖然家人向來節儉、物慾不高，「最大筆嘅固定使費，係逢星期日全家會喺樓下『茶記』嗌三餸一湯，埋單盛惠$500」，但他卻認為家人的生活水平和環境是他遙不可及的距離，「佢哋討論點樣財務自由，我就諗緊點樣跳去下一份18至20K嘅文職工……雖然住喺同一屋簷，但我同佢哋根本係2個維度嘅生物。就算我努力多三世，都唔會攀到佢哋嘅高度。」

對父母感愧疚 崩潰呻：我係一件生得好彩嘅垃圾

除了認為與家人有距離，事主亦指因為父母與姐姐一直對他很好，因而感到更加慚愧，有日因在工作上發生不愉快的事情，因此在家中忍不住流下眼淚，而姐姐馬上慰問：「返工係咪好辛苦呀……係咪老細刻薄你？」令事主剖白: 「冇屋企嘅支持，我根本唔會擁有到任何嘢」豈料對方居然回應道：「一家人，邊會計較咁多。」期間事主決堤式爆喊。

為此，事主形容自己是「一件生得好彩嘅垃圾」，更揚言「當我屋企搵咁多錢都好慳家時，我自覺完全冇資格去使錢進行娛樂。我好攰，我冇搵錢能力，但我嘅世界觀已經扭曲到認為金錢至上，呢種反差令我每日都好想死，我冇主動研究過自殺嘅方法，亦都冇試過落手，其實我算唔算有病？」

網民同情 留言勸導：不如讀多啲書

事主的經歷引來部分網民同情，有網民表示「人比人比死人」、「唔洗俾咁大壓力自己」，亦有網民紛紛留言勸導，直指「既然屋企有咁多錢，你唯一出路係讀書再搵多啲錢」、「不如問屋企借錢，讀啲專門啲嘅科目」、「如果你有一門專業技能係佢地無嘅野，咁你應該可以建立返自信」。

不過亦都有網民質疑事件的真實性，認為當中內容經不起推敲：「屋企咁有錢，點解唔掟你去浸鹹水，要讀ive咁折墮」、「成個story唔係好成立」、「可能因為佢真係垃圾到連去外國讀書都廢事」、「大把人屋企有啲錢，讀唔成書就掟去加拿大英國澳洲」、「你家姐大你幾多年? 你老竇幾歲? 家庭年收入400萬，支出低，得2000萬身家咁少」。