港男警世「月入無5萬唔好學人買樓」　稱生活衰過公屋戶　掀網民熱議

Nov 2 2023

香港人到底月入多少，才可上樓無煩惱？最近常有消息指香港樓價比以往下跌，一心以為可以趁機「上車」，但有港人就在LIHKG討論區指「月入無5萬唔好學人買樓」，稱有4大隱憂會令生活困苦，「衰過住公屋」。言論惹來港人熱議，有人認同，但同時有人認為「你係咪自己計錯數」。

港男警世「月入無5萬唔好學人買樓」　4大隱憂活得衰過公屋

港男於LIHKG討論區指，因為「供樓、管理費、保險、雜費一個月都無3皮幾，食飯5千，仲要儲錢交税去旅行，月月清，生活質素仲差過住公屋拎綜援」。

港男月入5萬港人指「月入無5萬唔好學人買樓」示意圖，非當事人） — 港人指「月入無5萬唔好學人買樓」（示意圖，非當事人）（圖片來源：電影《濁水漂流》）

言論似乎道出港人心聲，不少網民留言贊成，指「事實5萬月入好難供 600 萬以上嘅樓」、「真，食個飯一餐最少一嚿水，一日3餐，一個月都一皮嘢」、「家庭收入50k，即係25k一個人，高中位數少少。咁都買到樓香港就無低收入人啦」、「啱呀，我搵9萬，1萬留交稅，3萬供樓水電同管理費，1萬家用，2萬交通+食飯+生活雜費+保險+娛樂，最後都係得返2萬，5皮收入點供樓生活」。

港男月入5萬港人指月入5萬買樓，生活會衰過住公屋拎綜援示意圖，非當事人） — 港人指月入5萬買樓，生活會衰過住公屋拎綜援（示意圖，非當事人）（圖片來源：TVB《下流上車族》）

網民唔同意：月入低咪買平D嘅樓囉

不過亦有網民指帖主說法「堅離地」，指「買樓你自己一個供㗎咩，另一半唔使計？2個人一齊供層樓其實月入5萬好OK」、「冇咁高人工咪唔好買咁貴囉，300-400萬樓兩公婆做譚仔都供得起有餘」、「你識唔識計數㗎，點樣使3皮嘢，你自己死都要買靚樓」、「我都唔明揾得幾萬買咩貴樓，出面大把三百萬左右嘅盤」、「如果係自己一個人，5萬收入，買返一房單位都輕鬆㗎」、「其實你月入5萬，覺得要供樓，慳少少就得，但又未至於會衰過住公屋綜援㗎，你自己大洗咋嘛」、「月入低咪買平D嘅樓，無人叫你一定買新樓大屋」。