港男搭地鐵被女生撞開爭位坐 做1舉動報復遭網民怒罵:男人老狗大量啲啦

港男搭馬鐵被女生撞開爭位坐　心有不甘偷拍容貌放上網指罵

該名港男在Facebook群組「沙田之友 (大馬沙，沙田馬鞍山大圍)」中圖文並茂地表示，自己有日乘搭馬鐵期間滿車都是人，恰巧到站後有人下車騰出空位，「見到有位坐就行過去，已經行到去個位前面」，但準備坐下時竟有一名短髮女衝上前「撞開我自己坐」。女子不但沒有為自己撞到人而道歉，更低下頭玩電話，而港男繼續站於位置前並偷拍女生容貌放上網。

網民：男人老狗有無咁小氣

港男更「窩心」地溫馨提示大家要「小心啲，咪被佢撞」，本以為會獲得支持，可惜網民調轉槍頭反鬧港男行為，紛紛留言指「人哋可能都一早見到個位，打算行埋去呢」、「人哋真係攰想坐下唔得？算啦你」、「男人老狗爭位爭輸咗，竟然影人張相擺上網」、　「你坐唔到個位會死呀？咪當佢係女人，讓畀佢囉，做男人大量啲」、「你可以話人撞到你唔道歉，但唔可以咁樣影人相放網，男人老狗小氣到死」、「你當場話佢撞到你叫佢say sorry咪得囉，影相上嚟做乜啫，好似大家要小心D遇到你多D喎」。