港爸攜發燒妻女登機被拒 稱1原因發病再硬闖回港班機 同機乘客直斥：好自私

港爸攜發燒妻女硬闖日本返港航班 叉腰不滿與地勤周旋

近日有網民在Facebook群組「HK Express 香港快運及旅行資訊關注組」上載長文，鬧爆港人在日本的自私行為，事件發生在一架由日本四國高松空港飛往香港的香港快運，原定於下午2時35分起飛的航班。事主表示當時有個一家三口的港人家庭，當中的母親以及看似有5、6歲的女兒「額頭貼住退熱貼，明顯病樣。」

估計地勤看到該情況是不允許港人一家上機，不過港爸就扭計才順利入到候機室，不過隨後仍然與地勤周旋，期間見到港爸叉腰看似非常不滿，被問到妻女病情的時候，港爸回應相當離譜：「無耐有個日本地勤上機講一堆嘢，又量體溫，我聽到結果係『SLIGHTLY FEVER』，咁問佢幾時發，佢話呢幾日，原因極好笑，話自己個家庭浸得溫泉太多，又發現個女隻眼紅晒。地勤問佢健康狀況，佢叫個女同地勤講『KONICHIWA』」

一家三口自私港人家庭累航班延誤

由於擾攘多時，港爸居然大講風涼話：「咁都話唔到事」，只好簽署了一系列得文件後，這一家人終於獲放行：「攪咗輪簽過下嘢，係咁用佢嘅港式英文溝仲要不滿，話無理由唔畀佢上機。條友威到拎部NB（手提電腦）出嚟睇片，一副吹得佢脹咁款。」最後航班延誤超過1個小時才能起飛，不過之後的發展居然越來越離譜！

自私港人家庭登機後全程無戴口罩

據乘客描述，整個飛行過程中他們一家都沒有佩戴口罩，女兒時而咳嗽，時而睡覺，而父親則忙於看電影，頻繁往返洗手間，當飛機準備降落時，機長要求所有乘客繫好安全帶，但這位父親卻解開安全帶，堅持要帶女兒去洗手間：「空姐話鬼佢叫佢坐定，SLIDING時佢又想起身去廁所，空姐都好唔客氣再炳佢一穫，但條友話個女就嚟瀨，開始扭計喊，當當然無人會理佢，因為未泊定都係坐。個女目測五六歲邊有咁易瀨。」

網民鬧爆：「病唔緊要，唔帶口罩就好自私」

帖文引來網民激烈討論，紛紛指責這港人家庭實在太自私：「中咗流感啦，仲唔帶口罩，真X街，全機起碼3成人畀佢傳染」、「點解唔直接開佢波呢？直接話你老婆同你個女好似唔舒服喎，要唔要落機睇醫生，只要有人帶頭咁講，其他香港人一定出聲起哄，然後可能就送佢睇醫生，你地又唔洗擔驚受怕會病啦」、「浸溫泉浸到發燒都係第一次聽，當人白痴咩，中咗流感呀」。

甚至有網民教路：「下次有人病，影響航機安全！請出聲叫地勤/空姐 call 『medlink』 佢地喺24/7 航天醫療，佢地會問航空公司描述病人情況，（只要有醫生護士講一句Not Fit for flight ）咁佢地就要落機。」