月入7萬港女想轉工！新工offer僅4萬 網民知道原因後勁支持
廣告
近來不少打工仔也主張Work-Life Balance，而不同人追求的也不同，有人希望可以留多點時間予家庭，陪伴子女或享受生活；而亦有人會追求事業為重，賺多個錢望有更好的將來。日前有月入7萬的港媽指自己1星期有3日要OT到7點，因想分配多點時間給子女所以想轉份準時收工但薪金少的工作。事件引起了網民熱議！
網民：7點叫OT？
帖文一出，網民反應兩極，反對的網民認為樓主身在福中不知福，OT到7點根本不算OT，況且亦不能保障新工一定不用OT，如果只是返多一個鐘便多3萬，根本不用轉工：「7點叫OT？」、「返多一個鐘就多三萬喎。」、「少差不多一半人工，生活會唔會有影響先！唔好話為小朋友而減人工都要轉工！」、「邊有真係咁準時朝9晚6，恐怕係騙局。」
網民：家庭負擔到梗係轉
然而，支持樓主的網民則認為，若然不影響家庭負擔，一定是陪伴小朋友的時間及個人健康更重要，並指認為7點收工冇問題的人是奴性太重：「我明白呀，同屋企人尤其小朋友相處既時間無價，搵少3萬又唔會餓親，如果真係唔使OT其實好吸引，希望你最終多咗時間陪伴屋企人啦。」、「如果家庭負擔到嘅話而你又想多啲時間陪小朋友，咁梗係轉啦，而且OT得耐，你照除返時薪可能都唔係差好多。」、「我會揀家庭相處時間，小朋友成長過左就過左，錢隨時可以揾番，大把人放棄高薪厚職全力照顧小朋友。」
網民：做慣奴先覺得7點收工冇問題
有網民就指OT到7點這一點深入討論，對話一來一往，反映了兩派價值觀的不同：「其實幾多人做慣奴所以先覺得人地唔想OT到7點係有問題。」、「覺得分別在收6同收7，人工差一倍，我情願收遲一個鐘，放工唔洗同人迫同袋多啲，住得遠塞車唔好彩分分鐘都唔止一個鐘。」、「咁要睇小朋友幾大喎，同埋大家對教養觀念有幾唔同，所以咪話個個人選擇同情況都唔同囉。」
圖片來源：unsplash@andrewtneel
