港女GUCCI手袋壞拉鍊貪平寄淘寶3日修好大讚但被網民一面倒鬧爆

Oct 30 2023

女生愛買名牌袋，即使要幾十萬買一個手袋也在所不惜，但當手袋發生問題而要維修時，動輒都要幾數至數千元不等，令她們卻步到門市維修，而自尋坊間其他途徑。近日，就有港女在Facebook群組「淘寶開心Share」指，自己其中一個Gucci手袋壞了拉鍊，到門市問價需$1,800。但自己不想花大錢維修一條拉鍊，因而寄回淘寶一間店維修，價錢更等同官方的1折，大讚好抵！不過港女開心Share卻換來劣評如潮，不少港人湧入留言鬧爆，指「有錢買袋無錢整袋？」、「用得咁寒酸就咪用名牌袋啦」。

港女Gucci手袋壞拉鍊不願花錢去門市維修　貪平寄淘寶激讚「平、靚、正」

港女於Facebook群組「淘寶開心Share」中指，自己其中一個Gucci手袋鍊爛了，問過香港專門店換1條拉鍊索價$1,800，因而在淘寶自行找到專門修理名牌袋店，問價後只需人民幣180元。最後決定在週末剛好上深圳玩時，在深圳把手袋快遞去淘寶店，三天完成並快遞回香港］相當快手好用。

港女 gucci手袋 Gucci手袋的拉錬爛了 — Gucci手袋的拉錬爛了（圖片來源：Facebook@淘寶開心Share）

港女 gucci手袋淘寶3日極速整好 — 淘寶3日極速整好（圖片來源：Facebook@淘寶開心Share）

網民列3點鬧爆：無錢真係唔好用名牌

而她更在帖文中介紹自己光顧的淘寶店，指「個名都好搞笑，好似意思講緊『拯救包包』咁」。價錢相對於專門店，等同打了1折優惠，因而在網上開心Share。帖文一出，旋即掀起熱議，除了有數位網民好奇淘寶店資料外，更多的人一面倒鬧爆港女事主斥「無腦」，更提出3大要點稱「無錢唔好學人用名牌」。

1.「返淘寶整完即刻變咗唔係正版」

有網民指，專門店的價值在於所有配件都出自原廠，是最值錢的地方，「無端端換條廢拉錬，成個袋正貨都變咗A貨啦」、「係咪換條yyk 呀」、「個袋換完條拉鍊仲係咪真貨」、「換完條鍊都已經唔係原裝，點解唔直接買隻A貨？比我一定接受唔到」、「唔係原裝拉鍊。個袋變咗甚麼都不是」。

港女 gucci手袋網民指「港女無錢唔好買名牌」示意圖，非當事人） — 網民指「港女無錢唔好買名牌」（示意圖，非當事人）（圖片來源：TVB《愛回家之開心速遞》）

2.「你點確保寄完返去唔會換咗個假袋畀你」

亦有網民指，另一個寄回淘寶維修的風險，就是被人「換假袋」，稱「好彩你呢個唔係貴袋先無人偷龍轉鳳啫，但你咁樣介紹係咪擔保其他貴袋寄返去，唔會畀人換咗個假袋返嚟先，唔肯定就唔好亂咁Sell」、「有冇將你正貨掉包變假貨？我第一時間就係諗起呢樣」、「我都有依個諗法，點先可以保證佢哋唔掉包」、「你確認一下，收到包包，是否是你寄出嗰個呀」。

3.「買得名牌就預咗畀錢整」

最多人留的其中一個意見，就是「無錢真係唔好用名牌」，大家紛指「名牌貴就係貴在原廠，買得名牌就預咗畀錢整，畀唔起而搵Cheap雞代替，不如唔好用」、「頭先好奇撳入去睇下評論，發覺好多整壞包包的負評，樓主當初咩勇氣會寄去維修？」、「買得就咪鬼慳啦，正貨袋，A貨拉錬」、「之前見有個人仲叻，香港買個袋，買左之後微信揾大陸既名牌鑒證，然後大陸話係假貨，條友走去搵人哋舖頭嘈退錢，人哋同佢解釋咗，俾埋證明佢，佢都係信大陸」、「個袋咁貴，貪平拎去淘寶整，買得咁貴嘅袋都唔爭在嗰少少錢啦，因小失大呀」。