港人遊日食壽喜燒剩大量牛肉 因2舉動被店家鬧爆「做壞規矩」
廣告
不少港人都喜歡到日本食壽喜燒，不但可以食到美味的和牛，其價錢相比起香港的餐廳更是便宜不少。而最近，一間位於大阪的壽喜燒放題餐廳居然在IG Story鬧爆香港顧客，引起網上熱烈討論，大家又覺得事件中的港人有沒有做錯呢？
港人遊日食壽喜燒 食剩大量牛肉
近日，大阪壽喜燒放題餐廳「もりやま/ Sukiyaki Ichiban Moriyama」在IG Story中曬出一張顧客食剩的牛肉，當中大概寫道「尋日嚟嘅香港客人到底發生咩事，不斷點餐添肉但又食唔晒，之後居然話呢啲係肥肉所以唔會食」，隨後更指雖然不過香港遊客是好人，但卻有部份人是「老鼠屎」，直指店內的規矩應該要嚴格遵守，甚至提醒香港人要珍惜食物，直言：「唔好忘記，呢個世界好多人想食都冇得食！」
網民反應兩極
事件引來港人熱烈討論，有人就認為事件中的港人行為完全沒有問題：「我覺得冇問題。咁佢覺得太肥唔食佢自由，咁擺上網公審唔太好。做得放題就要預有人會咁樣」、「但係食唔曬都冇計，夾硬食會好痛苦」、「又唔係冇畀錢」。
不過亦有人認為這是港人的本性，向來都沒有「珍惜食物」的概念：「教養問題，香港人從來都唔識珍惜食物，覺得食一半剩一半無問題，你話豬肉頂層肥都算，牛嫌肥食和牛真係過份」、「日本人有いただきます（感謝招待）既概念，香港人係無」、「只係講食飯，食曬啲米粒，都唔見好多人做到呢」、「班港女喺香港每日食晏都只係食一半啦」、「一定係香港人，唔好拗，係香港人至會見到乜乜放題兩眼發光，日日自助餐打邊爐都唔會厭！」
圖片來源：IG@sukiyakiichiban_moriyama
