港人湧入天文台FB不停訴苦留言跪求1件事：唔想慘上加慘

Sep 8 2023

天文台昨日較早時分預料本港會有幾陣驟雨，提醒市民帶傘出街，惟想不到驟雨竟變暴雨，降雨量更破歷史記錄。暴雨成災，港人昨晚第一時間湧入天文台社交網站鬧爆無預告，及至今早仍有責罵聲音。不過自從政府宣布停課不停工後，有部分網民反而湧入天文台社交網站留言訴苦，更跪求一件事，指「最多鬧少啲你」。

港人湧入天文台FB跪求1件事：最多鬧少啲你啦

天文台在今次暴雨的天氣預告令一眾港人不滿，不少人由昨晚起湧入其社交平台大鬧，指「黐線，近半篇幅講到漸進式warning 咗。但有冇人8點講聲就快有黑雨？同風暴相比，無任何預測成份可以幫助市民。用歸納降雨量黎講，千年一遇黎講都好，都正正反映機構無能。我哋唔需要包租公叫人落雨收衫囉。」

不過隨著今早政府指停課不停工，雖然黑雨仍然維持，但政府只呼籲僱主參考8號風球工佢安排，有不少打工仔仍然出門上班。為了避免自己的情況慘上加慘，有不少港人今向天文台訴苦並跪求一件事，指「請問改紅雨前有冇預報？公司要兩小時內返到，但好多地方水浸路上需時，謝謝（雙手合實emoji）」、「最多鬧少啲你，唔想提早出門要涉水淋雨等巴士，好想知預料幾時紅雨，please」、「究竟天文台預不預計，黑色暴雨重要掛到幾耐（雙手合十emoji）」、「老老實實黑雨去到幾點？想繼續瞓，一陣靜雞雞又轉左紅雨，我唔知就變咗曠工」。

天文台：黑色暴雨警告生效破記錄超過7小時

市民由早上7時開始問何時轉紅雨，惟天文台直到早上9時左右更新社交平台時亦無清晰表示，僅稱總部錄得自1884年有記錄以來一小時雨量的最高紀錄。黑色暴兩警告生效時間亦破紀錄超過7小時，惹網民不滿，指「又唔一早講預料幾時轉紅雨，你睇到天氣圖㗎嘛，大約都唔講？一陣成班人趕返工，個個湧住出去」、「你哋一落訊號打工仔就會被指示返工，公司係唔會理極端情況，好心你講一句全日維持黑雨定只係日間啦，等我哋安全進行善後工作」！