同事離職farewell飯局分享減壓方法 老闆1句辣㷫全枱人惹網民鬧爆
廣告
近日有網民在Threads上分享一件職場趣事。該名女網民表示，日前和同事食Farewell飯時講到個人減壓的方法，她表示自己習慣無論幾點放工回家後，都會先去跑步，否則無法安穩入睡；其老闆聽罷竟然說出一句「即係你未夠攰囉」，馬上令全枱人感到非常訝異。
港女Farewell飯局分享減壓方法
女網民表示，最近有同事因為工作量問題而選擇離職，近日一眾同事連同老闆一起食Farewell飯，席間女網民分享個人減壓方法，「如果我太夜放工唔可以即刻瞓覺，所以就算我凌晨一點放工都會去跑個步先，同個世界disconnect 一下」。此時老闆聽罷竟然說：「即係你未夠攰囉，如果真係攰，好似我咁，凌晨兩點一返到去瞓落床即刻瞓着啦！你問下XX一返到屋企係咪即刻瞓得着」，聽得全枱人感到非常訝異。
事主補充，「XX」是全組人最晚下班的同事，長期需要搭的士回家；而老闆言下之意就是認為她未夠夜放工，竟然還有時間精力去跑步。
她回答：「唔得，我精神狀態太tense真係瞓唔到。」惟老闆仍然無法理解，整頓飯不斷嘗試定論事主是因為不夠疲累才充滿精神不入睡、去跑步。她訴說，其實她每星期連同六日，總共工作近100小時，每次閒時又要練習馬拉松跑100公里，「如果我咁都未夠攰，我都唔知有咩人夠資格話自己攰了」，但為了避免引起紛爭，事主選擇不再解釋，「其實解釋都好攰。」
網民鬧爆老闆言論
帖文一出隨即引來網上熱烈討論，網民們紛紛斥責老闆言論非常過份：「其實有咁嘅上司真係好難做落去」、「咩工？ 非人生活，條 team有問題」、「有幾攰同係咪真係攰無乜要同人比較囉，呢d老細算吧啦」、「你公司真係好恐怖….」；另有不少網民都建議事主早點辭職：「你哋快啲搵工，不宜再留係呢間公司」、「你絕對有能力勝任其他工作」、「有啲人價值觀係咁，改變唔到，無謂計較，及早離開toxic 環境對自己好」
圖片來源：istock
