大埔阿婆嘟樂悠咭搭巴士 竟向司機再索半價優惠：我用盡福利有乜問題？

阿婆嘟樂悠咭想要半價優惠

近日有網民在Facebook群組「大埔人大埔谷」上分享此事，樓主表示早前乘搭72K巴士，途經「聖母聖心小學」時有位阿婆上車，用樂悠咭拍卡時見到收費$2，就質問司機「點解唔係半價？」；司機就禮貌地回答「因為樂悠咭已經有$2優惠，唔會同其他優惠重疊」，阿婆隨即發難大罵司機，追問「點解政府不俾半價？」。

期間有乘客看不過眼，出言揶揄阿婆「如果要計較金錢，亦可以行路返去」，結果阿婆惱羞成怒說「我貢獻咗唔少，用盡社會福利有乜問題？」，又稱這次是「特意嘗試一下巴士回家」。

隨後阿婆依舊上車，但車程期間不斷用「白痴」、「發神經」、「八婆」等字眼出言攻擊其他乘客，甚至到達富蝶總站後又揚言要報警，稱被人阻止離開和被人指責辱罵。

網民怒斥阿婆：想知她貢獻咗乜？

帖文隨即引起網民熱烈討論，不少人對阿婆的行為表達強烈不滿「2蚊半價姐係要$1？」、「佢應該要2蚊既半價即係畀1蚊」、「想知她貢獻咗乜？」、「行路咪得囉，幾蚊都慳返！」、「傻人發現案」、「所以依家好討厭72X線……..已經要俾錢搭車仲要受難！」、「佢係咪未去葵涌醫院覆診？」；另外，亦有網民懷疑婆婆精神有異「乘客有可能精神有問題嘅，正常人應該不會有這舉動的。」

有巴士司機就留言分享曾經遇過類似情況「有次揸64k……上村落車之前再拍卡有回贈……有個阿婆喺錦上路站再拍卡，問我點解冇回贈，我：你本身用長者卡已經有$2優惠，政府已經平左好多比你，點會再有回贈呢。」