林作開記招追究保險公司 稱網民反應過激不能接受：我哭了幾日
林作稱自己哭了一整晚：我不希望進一步對自己舊東家有行動
林作開完記招後稱自己繼續收到客戶支持的訊息，而自己看到其中一個客戶的訊息後表示「哭了幾日，世界很殘忍，人都很殘酷」，自己不希望進一步對自己舊東家有行動，好黎好去，相安無事。除非對方做什麼，在商言商，我不同意但尊重。行業不喜歡我，我也沒辦法，我很喜歡自己，這就夠了。我認我是異類，不入流，不是一般大家心目中的保險人，大家的安慰、讚賞，我都銘記於心，儘快恢復正常生活。
林作開記招指絕對不同意前公司決定 如兩位死者家屬心情因我受影響 我絕對道歉
林作同律師今於林作媽媽屋企開記招回應近日事件，更指怕講多錯多，抽水抽錯水。記招開首林作已稱目前下知道有好多客戶不會受影響，小弟團隊仍在原本公司，無人有任何利益受損。記者會起初談到「新聞講我團隊同我割蓆，事實係我要求佢地唔好離開自己崗位，做呢行最大忠誠係對客戶，我要佢哋留原本位置，要求80人都要做到。而且非常多客戶自發於過去24小時向前公司作出投訴，要求解釋為何把客戶利益放於網民之下，為何把網民莫明奇妙的言論放得更高。我可預告我預視到相同情況會繼續出現，同時是客戶要求我公開他們對前公司決定而作出抱怨之事。」
林作：公義正義何在？
林作指，自己對前公司的做法絕對不同意，實際上主要是昨日前公司Facebook Post於他本人未獲通知或查問下已發出公告，現正式提出兩大問題：
問題一：本人不同意前公司說法，具體內容會再作出回應，並保留所有法律權利。「前公司指我言論違反社交平台準則，呢個講法講唔通，過去幾年我嘅抽水事件不少，有傳媒指我曾有7單抽水事件，這些事件未被視為有問題。今次同樣在沒有涉及專業操守下，前公司指我違反守則，我不同意。」
問題二：我極不同意前公司指我價值觀與其背道而馳，這四隻字意思是「反轉」意思，這罵名我不能接受。「咁大間公司作出言論，我都要保護自己，佢話我背道而馳，即係佢熱血，我就冷血，我認為前公司要交代解釋是什麼意思，嚴重影響我將來任何可能性。」他續指更多內容無法現時公開，要與律師仔細相討。
林作：我會見招拆招，打就企定
事件上我並無任何道歉意願，過去24小時收到不同客戶、朋友、各路有能之士向我表示指「未必同意我講法，但絕對維護發言權利」。接下來我要更加做好自己行業，提升行業質素，令廣大市民對保險業有信心。我再次強調我是不自願地強制離職，接下來絕對有下一步行動，我會見招拆招，打就企定，最多逃跑，不會「唔參戰」。至於有記者提問他會否對死者家人道歉，林作則指「我認為兩位死者家人對我言論感到悲傷的機會，大家未免覺得我太有影響力。如兩家人需要任何協助，我會一如己往挺身而出，我非常相信我的價值，是可以令人關注議題。如果我說話影響到兩家人的心情，我絕對會道歉。」
網民變態程度超越正常人：講到我好似個兇手咁
近日網民對於林作的行為，怒火中燒，不少人到其社交平台及女朋友裕美社交平台洗版式留言，他指「網民又話要搞我媽，要搞我女朋友，好似我係罪大惡極咁，呢個根本已經係恐嚇，網民同前公司反應係過激，令我覺得好心寒。」我接受香港文化未必如外國般放開，但大家對我言論的反應「比兇手似乎更嚴重」。我自己都會檢討事件，今次言論上不應有對有錯，只可以喜歡和不喜歡，今次「唔係合乎比例嘅反應，對我嚟講係離譜」。
林作澄清：大家唔好講到我同個件事係有關咁！
在採訪中，林作直指自己「面皮厚就不在話下啦！」，但認為所有事情都是有危才有機，形容自己是滑浪「最緊要有浪畀我滑」，呂校長直指他「玩得太大」，林作澄清「絕對不是意圖去傷害大家或者令到大家被冒犯，大家要理性少少，呢個事並不是同本身個件事有關，大家唔好講到我同個件事係有關咁」。呂校長再激動地表示「你將自己同個兇手擺埋一齊，點解要咁做呢」，林作辯稱「你可以覺得呢個抽水行為唔好，但大家唔好以言入罪，講呢我喺呢件事上面好冇同理心啊，我都覺得呢件事令人髮指」，更指出自己都有出認真Post討論政府的處理，但「冇人睇個啲！」
林作：香港抽水王會進行無差別攻擊！
呂校長直指「你係一個人版畀人睇到係冇同理心」，林作指自己是「香港抽水王會進行無差別攻擊，係非常公平、公正、透明嘅宗旨」，強調「抽水是無傷大雅」，「唔明白點解大家為我嘅言論而瘋狂」，更認為有人離世大家都出文打「RIP」是非常多餘、好假，他只是從另一個角度分享事件。
強調同樣言論在英國沒有問題 嘲公司：喺香港人個下死！
說到被「炒魷魚」一事，林作直指自己「冇嬲」、「我個人非常自信同相信自己嘅實力，是金子總會發亮嘅」，並指自己「有大把機會一啲都唔缺」，並強調Del post是受高人教導「能夠令人更加加倍留意嘅做法」。林作再指出很多西方的「黑色幽默 Black Humor 呢個藝術喺香港大部分人係唔識」，呂校長亦非常同意。林作強調是自己認同的文化價值「香港好多人係接受唔到」，指出自己同樣言論放喺英國「完全無反應」，再強調「我自己嘅所屬公司都係英國公司，但佢係香港人管理個下死」。
社交平台瘋狂分享客戶支持 網民：死雞撐飯蓋
林作近日亦在自己的客戶支持訊息，有大量客戶都大讚他有料並已Email到保險公司作投訴，指「唔會再支持保誠」、「你去邊我跟到你去邊，你話我知點樣Cut份保單」、「今次真係覺得D人反應大咗，咁樣都話要炒人，好兒戲」、「有無諗過D客嘅保單點搞，話炒就炒？」。不過，有網民依然不賣帳，「抵死啦你，上得山多終見虎la」、「完全歪曲晒常人嘅惻隱之心，可能係一種病」、「今次言論自由四個字都幫唔到你，講野完全冇說服力，仲講英國果套點點點，你睇吓自己係邊度搵食先啦」，對於林作的言行認為只是「死雞撐飯蓋」。
