東張西望｜Patrick Sir同老婆上節目伸冤爆喊 愛犬枉死竟然無人負責！

東張西望｜Patrick Sir爆喊伸冤 做錯一步與家人天各一方

節目開首，Patrick Sir與太太已哭不成聲，指「點解要擺低佢？佢唔去嗰度咪冇事囉？佢未住過狗酒店，第一次……佢冇得揀，但我哋幫佢揀咗，好對佢唔住」。

入住狗酒店後突癱瘓：痛到不停地喊

14歲愛犬Don Don 離世，Patrick Sir心痛不已，指愛犬生前最後時光痛苦不堪。事關愛犬Don Don入住狗酒店7日後，一向跑跑跳跳的牠，後肢突然癱瘓，經過一連串手術後，最終仍因不治身亡。

太太關宛珊形容，Don Don離開前痛到不停地喊，又曾嘔水兼不斷抽搐，但夫妻二人無能為力，「無嘢為佢做到」，哭稱「唔知可以做啲咩嘢幫佢」。

Patrick Sir指「佢唔去嗰度咪無事…….係我哋放低佢喺嗰度」。「嗰度」指的正是狗酒店，他指接愛犬回家當天，Don Don兩隻後腿已經變得無力，且不斷哀嚎，當時獸醫診斷Don Don是椎間盤突出。原本健康活潑的愛犬去完狗酒店後「一去不返」，惟事件發生後仍不知到底在狗酒店發生過甚麼事，他們指打算採取法律，尋求真相，討回公道！

Patrick Sir網上發悼念文：怕失去牠變得習慣

原來愛犬離世4個月，但二人不願接受現實，指：「幾個月我們不敢提不敢講，在街上、私信留言、同事們向我們問起，我們都不反應或是叫對方不要提，實在很對不起。我們害怕說岀來，不想把感情釋放，不願接受這事實，害怕將失去他變得習慣。」

而Patrick Sir更向Don Don說最後一番話:「Pat Pat很後悔還有很多地方未帶你去，沒有你，很多地方都無法再去了。整個電話都是你的相片和影片，一看到就眼淚直流。感謝你陪伴了我們14年半，到處都是我們的回憶，愛跑步愛陽光的你，現在可以無痛地周圍跑周圍去，繼續到哪裡都人見人愛。我們會繼續竭盡所能，為你尋找真相，討回公道！這是作為家人的我們，能為你做最後的一件事。」