96歲「魚塘大王」根叔疑遭洗腦 獨處時終向東張吐真話 網民痛斥：心寒至極

孫仔孫女揚言：還爺爺一個公道

根叔的孫仔盧先生和孫女盧小姐在訪問中首次露面， 他們指控陳女士圖謀不軌，想獨吞魚塘，並質疑根叔在不清醒的情況下做出決定，又直言希望「還爺爺一個公道」。

孫仔鏡頭前盡顯孝順一面

拍攝期間，孫仔盧先生一直表現出孝順一面，又為爺爺按摩，並小心翼翼地扶他行走，並堅稱爺爺回到家中感到非常舒適和快樂，同時也否認有將爺爺軟禁。盧先生還聲稱參與了爺爺的訴訟過程，他表示：

「爺爺佢當初一直都係諗住，魚塘係家族承傳，佢以為欠咗人嘢，將魚塘當財產轉讓咗畀人哋，呢幾個魚塘係我哋幾個家庭成長嘅地方，但我哋都會尊重爺爺決定。」

同村老友指孫仔以往一直不聞不問

然而，與根叔已相識數十年的同村老朋友林先生向主持黎寬怡表示，當根叔發現自己被欺騙時，曾試圖聯繫孫仔，但對方從未回應，即使他和陳女士多次一同前往律師事務所和警署，也未曾見到孫子過問。

根叔疑被親友洗腦、 控制說話內容

於昨晚（26日）播映的一集中，出現一個令人心寒極致的畫面。一名女親友不斷在根叔耳邊提示他應該說些什麼，例如「將魚塘轉番畀子孫」、「同律師同《東張西望》講你啲意願」等。

獨處時終向東張主持講出真心話

其後， 當節目組與根叔獨處時，睡在床上的他終於說出了自己的真心話，他向主持黎寬怡表示：

「我同佢（陳女士）唔係時間短，17年，我會對佢無微不至，佢唔使擔心，佢唔好以為幫我呢17年，我會白費畀佢，唔會呀！嗰啲孫緊張，驚死佢（陳女士）攞埋阿爺啲嘢！佢（陳女士）呢份人唔會呀！我知道呀！」

他再被問會否把魚塘「轉畀啲孫」，根叔回答說：

「唔會，佢喺我度咁耐，我知道應該點樣對人。」

最終，孫仔和孫女明確表示，他們不會再允許陳女士與根叔見面，態度非常堅決。

網民痛斥：心寒至極

隨著事件的真相逐漸曝光，網民紛紛表示驚訝及痛罵根叔親人，甚至有人更慨嘆「好令人心寒的屋企人」、「啲孫仔孫女同啲仔女真係好孝順呀！咁多年都唔出現，知道根叔攞返啲魚塘到照顧唔到自己嘅時候先出現。」、「聽兩個孫講嘢態度, 男的扮乖孫, 女的似河馬好心急搶話說, 好明顯在講大話, 唔知點解被人話, 但佢地又點知陳女士唔好人. 明顯錢魔力, 扮曬嘢!」、「有錢咪叫爺爺囉，冇錢叫乜爺爺呀。」、「陳女士講嘢理直氣壯 清楚自如 個所謂孫仔講嘢窒下窒下 幫阿爺按摩動作完全唔自然 虛假到痺 子孫新抱一家只能同根叔共富貴 有難就避之則吉 佢哋真係趴街嚟㗎！」、「什麼套路，路人皆見」

此外，不少網民都稱讚現年96歲的根叔頭腦非常清晰，「96歲嘅根叔真係好叻仔，說話時頭腦清晰。當根叔描述同陳女士17年的知己情誼令我感動落淚。希望家人付出真心照顧根叔可以使他生命延長……」、「祝跟叔身體健康，每天快樂渡過，不再有仇恨，健康快樂每一天」

另外， 也有網民提出其他建議，「我係根叔先會搵間有質素老人院讓自己過得好些，萬一過身就會將所有錢和財物全數捐出，一啲都不留所謂孝子孝孫.」、「社署係咪應該要出手保護嚇啲老人家」，同時也強烈建議《東張西望》保留此重要片段，「我記得最後得主持同根叔對話，好似話唔會過俾孫仔，希望東張呢條片到時用得著」