東張西望｜七旬翁亡妻結新歡逼走女兒 否認私吞遺產直指被冤枉

吳爸爸直指女兒加鹽加醋

吳爸爸透露，新歡從事股票行業，原本二人只有股票買賣上的商業關係，隨後慢慢熟絡才開始互相產生情愫，但強調自己每晚都有回家，亦沒有和新歡做過任何越界行為。不過，他坦言亡妻應該不知道這段私情，稱自己從事生意行業自然身邊圍繞不少女性，所以自認為亡妻生前也對此狀況表示理解。他坦言：「做生意都有女人㗎啦，我有去夜總會去花弗都有㗎嘛。」

他也強調認識這名新歡是無錯的：「成日話我有另一個女人，阿媽死咗，我有個女人，個女人呢就想吞我啲錢，又乜乜，完全唔係㗎。呢個女人，我識佢冇錯，都唔係咁短時間，十年八載，但係從來都冇搞過我屋企問題，但係太太死咗之後，梗係要搵個伴啦，大佬係咪先？」

他續指，老婆過世1年多後才決定「搵新女」照顧自己，而非女兒所指「只有2個月」。他表示，自知自己年邁，所以臨老也想找個伴活過剩餘時間，故才選擇讓新歡「坐正」。他駁稱：「當我提議想結婚，個女咪反對囉！但結婚係兩夫妻嘅事，好多時仔女都唔清楚，佢要加鹽加醋我都唔知點搞法喇。」

否認私吞遺產

提及到私吞遺產一事，吳爸爸直接否認此事，並指當時亡妻各分了12％財產給吳小姐及已移民的兒子，而事實上屬於兒子的12％也給予了吳小姐，讓她去變賣成積蓄，甚至透露吳小姐在變賣遺產時是她自行與地產公司溝通，不讓吳爸爸插手。吳爸爸藉由節目向女兒坦白心聲：「依加你老豆就已經搞緊離婚手續，佢唔鐘意咁，但我都無錢，我唔想佢跟住我所以叫佢走，問題係我個女肯唔肯相信。」

吳小姐隨後亦再度聯絡吳爸爸，表示只想取回原本的600萬，惟吳爸爸反稱自己無錢，準備申請破產。不過吳小姐馬上戳破謊言，指找到他的月結單發現上年仍有1600萬有收入進帳，過往亦有幾千萬的積蓄，「月結單唔會係假，清清楚楚寫明你有錢，依加突然話要破產?由阿媽死咗之後你已經不停講大話，媽咪間屋嗰度遺產你又已經攞咗，你直頭冇開聲就攞晒去。跟住又為個女人逼我哋搬，然後再出律師信逼我哋搬，突然間又話冇錢，之後仲想塞個女人入嚟屋企住。」

她質問，「要我搬都要拎返嗰600萬先搬到，但你始終唔肯俾返我，到底你拎咗啲錢去邊?」，同時猜疑吳爸爸想把所有積蓄轉移到海外戶口再申請破產，質疑他想欺騙政府。

大爆女兒經營財務公司

針對那失蹤的600萬，吳爸爸表示自己已進入破產程序，而事實上部分辦公室和物業都已被銀行收回，亦有會計師正在處理帳目，只是吳小姐不願意相信。他同時否認曾向女兒借600萬，該筆金錢是女兒主動存入他的戶口，再加上他個人的5000萬，用在投資女兒經營的財務公司，並以每個月10％的高利息回報存入女兒的個人戶口。

吳父鬧女兒：我養咗你40幾年，你咁樣搞我？

不過吳小姐仍不相信爸爸的言詞，堅稱他是為了新歡而私吞媽媽的遺產和她的積蓄，直斥爸爸：「你真係戲精嚟㗎老豆。」不過吳父就否認兼鬧女兒：「咩戲精呀？你唔好亂嗡呀。我養咗你40幾年，你咁樣搞我？」報料人吳小姐透露，目前只能借住朋友的家及借生活費，勉強過左生活，希望爸爸能盡快還錢。

網民反撐吳父 一眼看穿報料人報東張目的

播出第二集後，引來網民熱議及討論，風向更出現大逆轉，較多人反撐吳爸爸，還指女兒的說話並不可信：

「講真，個老豆鹹濕，但老母死左，帶個女人返屋企又關妳嘜事。老豆都養到妳咁大，盡曬父母既責任啦。妳自己都已經有自己家庭，做嘜仲痴係老豆屋企搏啲嘜？」

「睇完今晚嗰集原來個女一直冇提及過自己開財務公司，個老竇話其實6百萬係佢自己存入財務公司，主持問個女有咩解釋，所以個女嘅說話都唔值得相信」

「自己都唔細啦，仲想佢老豆幫佢養埋兩個女，一睇就知想分身家啦」

「呢個女人都奇怪, 女都生埋, 唔工作, 究竟佢一直係點生活既呢? 個阿爸唔係要養佢過世掛? 如果阿爸真係攞左佢600萬唔還既咪告佢囉, 呢D家庭事真係公說公有理, 婆說婆有理, 清官難審家庭事」

「個女唔抵得自己冇得分/分小左姐,個女仲話要咩養兩個女,咪自己去打工養囉，同埋佢都做放數架，搵埋唔少陰濕錢啦,條女唔通想一世靠老豆咩,今次反而個老豆好聲好氣有加分」

事主最新回應

吳先生回應：

1. 女兒的敘述並非事實全部，該600萬實為受到女兒委託投資多一間公司，而女兒亦在該公司持有股份及了解經營運作，他從未向女兒借過一分錢。
2. 自己因為2023年生意受騙而失去所有積蓄，早已向警方報警處理事宜，所以現時正申請破產。
3. 事件中的住屋的確由他購入，由他和亡妻共同持有，女兒婚後就攜同孩子一直同住。數年前被有心人騙以住屋作抵押做生意，其後騙徒逃去無蹤，他亦無力償還貸款，所以銀行才發出律師信收樓，並非他有意藉此趕走女兒。