東張西望｜65歲老婦整電腦貪小便宜搲折扣 因$30被告上ICAC 終揭事情真相
65歲婦人網上抹黑大埔電腦店 事後竟被告到上ICAC
報復反遭「現眼報」？近日《東張西望》報道中講述1名住在大埔，65歲的婦人（Moon姐）因炒股為樂，平日都會把股票資料儲存到電腦上，惟一天突然開不了檔案，於是到附近一商場維修。當時電腦店跟Moon姐指「你Hard Disk壞咗要換」，並開價$880，當時Moon姐認為太貴，於是開始講價，指「平D啦，齊頭$800」，終雙方還價後以$850，即便宜了$30交易。
誰知回家後Moon姐發現原本1000GB的硬碟被電腦店換成512GB，於是親身到店投訴並要求更換，事後再到有不同業主的群組及各社交平台上「唱衰電腦店」，指其經營手法有問題，千萬別光顧。而抹黑完店舖後，她突然收到ICAC電話，指她行賄$30的事件，
Moon姐實牙實齒否認曾講自己為法團人士 ICAC再出信
講價$30，最終變咗行賄？原來這位Moon姐曾做業主立案法團，但她指「已是7年前的事，無做好耐，話我利用委員身分賄胳$30」。當女主持問她買賣時可曾提過自己是委員身份，她則指「我嗰時唔知有無提，因為我好激動，但整電腦同我係咪委員有咩關係」。
而時至舊年11月，事情發展急轉彎，Moon姐再收到ICAC信件，而今次信件則指委員會認為無實據支持而「close file」，誰知Moon姐激到成肚氣，見ICAC收手亦不罷休，連環開火，指要求ICAC開檔案並稱「你哋做嘢唔恰當，無證據開咩File告我」。
電腦店老闆回覆節目組：佢話「以後你想喺度搵食咪睇住嚟囉」
Moon姐堅持小拗撬唔足以告去ICAC，更與節目組一同到電腦店對質，但對方員工指詳情只有老闆滿楚。而事後老闆亦有傳訊息給節目組，指「當時Moon姐以法團身份索取利益，並向他們稱『以後你想喺到搵食咪睇住嚟囉』」。而Moon姐看到訊息內容後，第一時間否認，並指「我講？發癲啊佢，起碼我無要求佢賠錢」。而主持追問「咁你有無講過自己係業主立案法團？」，她又突然轉口風，指「我唔記得有無講，事實上當時已經做完呢個Deal，我自己無諗住有講過，我記性唔好，唔記得有無講自己係業主立案法團」。
網民：佢唔講自己係委員，鬼知佢係？
本來實牙實齒否認利用過業主立案法團身份，被問多幾句又開始口窒窒，甚至指自己講過都沒有記憶，令節目組都質疑「一時又話無講過，一時又話唔記得，如果無講過，對方又點敢打埋出嚟告去ICAC？」當大家都以為事件好荒謬，但看到詳情後，網民紛指「唔抵幫」！更指「佢唔講自己係委員，鬼知佢係？人哋標明實價，你愛買就買啦，又要還價…拎著數仲周圍唱，抵佢比人玩」、「惡人一個，橫行霸道，可惜唔夠證據拉佢」、「你口窒窒，東張已睇穿。 以後打厚D粉底，大把人來取笑你」、「初段講到幾委屈，後尾就又話唔知唔清楚唔記得，點信你呀」。
