東張西望｜皇后山邨晚晚排長龍幫襯反向團購深圳外賣 運送過程全公開
港人愛上反向團購深圳外賣 送貨人拉車仔搭港鐵去勻東鐵沿線！
近日《東張西望》報道港人反向代購的實況，指現時最多港人反向代購外賣回港，在社交平台上打「反向代購」已能找到不少相關帳戶。而要買到這些外賣的步驟都相當簡單，從社交平台中與負責人聯絡，再從內地外賣平台選擇食物，之後負責人會代為下單兼送貨，客人只需用電子支付付費便可。假設下午2時下單，5時30分已可約在上水交收，《東張》節目組實測外賣情況，準時5時30分已見外賣小哥在上水站出現，拉著車仔送貨。他透露自己每日都來來回回，生意相當不俗。
節目組實測叫外賣 酸菜魚送到已水油分離
而今次節目組點選了片皮鴨等中菜，外賣全部封好口，袋上寫有取餐地點，不過送到時食物已經攤涼，酸菜魚更變得油水分離。其實之前有報道曾拿這種反向代購的外賣化驗，結果含菌量超標，不過港人似乎無懼食物安全，以陳先生為例，他接受《東張》訪問時表示，自己和家人常北上玩樂，經常幫襯反向代購叫外賣。他指「鮑師傅，太二酸菜魚香港無，就叫返香港食囉。佢哋淨係送落馬洲、上水、粉嶺，交收唔會出閘，4-5點落單，6-7點送到，好安全㗎，D嘢食有成10粒釘，包得好好」。
反向代購負責人拉車仔送貨 港鐵交收每單外賣運費$30
港人越多幫襯反向代購外賣，送貨小哥就越開心！據節目所講，每單外賣平均收取$30，假設送貨小哥從落馬洲搭火車來港，車費只需$50，他們一路沿住東鐵線交收又不出閘，換言之只要做了2單生意便開始有錢賺。他們通常一人行事，拖著載有最少6袋貨的車仔穿梭各站，不過由於他們集中放工時間送貨，難免與其他乘客發生碰撞。而每等一個客人取貨完畢，他們就會拖車仔趕住搭車去下一站，一個時段去足數個車站交收。節目組更拍到其中一個叫得最多外賣的港人足足取了4袋外賣走。
粉嶺皇后山居民晚晚反向團購仲誇張
除了散客，香港的反向團購情況更誇張！原來一到晚上7點，粉嶺皇后山居民就會在樓下大排長龍等外賣，女主持上前訪問其中2名街坊，他們表示「自己買咗D外賣，應該係大陸送嚟」、「團購買咗雞，之前都試過㗎啦，送到嚟都仲係暖嘅，佢地好快手」，對團購外賣讚不絕口，認為有信心保證。翻查資料，原來要買到團購外賣都不簡單，首先要入Group，然後拎籌，自行用內地外賣平台揀選食物後，再自行安排在指定時間送去蓮塘口岸的一個集中地，團購負責人就會安排司機去收集所有外賣送香港。
反向團購外賣出動4人「執貨」 單靠用手推車推過關
節目組指，每日下午4點開始就有人送外賣去集中地，現場要出動4人幫忙「執單入箱」才足夠，甚至出動到大膠箱收外賣，相當誇張。包裝好後再用手推車運貨，沿蓮塘過關返香港。其中一名送貨人表示，這種團購一日送2轉，分為午餐和晚餐時段，每次大約送30-50份，不過暫時只送皇后山，事關他們都要確保食物質量。
網民：食唔死都偷笑
有人買得開心，食得放心，但亦有不少網民表示「真係食唔死你都偷笑」，認為「反向團購深圳外賣好無腦，由細到大都知上面有幾多黑心食物，仲要咁樣買落嚟」、「食到中毒真係唔好喺香港求醫，你返大陸求醫」、「香港有嘢唔食，係要食大陸嘢？」、「睇見佢一早拎完外賣，就咁用車仔推嚟推去，穿插喺咁多人之中，真係唔敢食」、「幫襯得都係腦殘，皇后山邨D人係咪無嘢食到咁」、「運費$30點解唔用香港嗰D外賣平台，又唔係平」、「送到嚟係暖唔代表冇細菌、冇問題、冇變壞！其實由遠古以來都一定係要有人因為嗰件事而死咗，先會有人關注有人驚！所以放長雙眼」。
