東張西望｜港男去殘廁清潔工又強開門　慘被睇全相網民反稱清潔工可憐？

港男於荔景站傷殘人士廁所小便　清潔工強行闖入兼爆粗

港男受訪時表示，10月份有次因人有三急，到荔景站內的傷殘人士洗手間小便，由於傷殘人士廁所是智能門，當時明顯有廣播稱「門正在關上」。但突然有一名清潔工衝入洗手間，「佢用同一句粗口不停鬧我，話我阻住佢清潔，仲話我見到你入去，我明知你入去，我係要入嚟，你後生根本唔可以入殘廁」。但港男表示由於「真係太急」，所以沒有即時反駁。

事後，他帶同姑姐前往港鐵站打算向職員投訴，恰巧碰到該名清潔工，二人即向她激辯，指「你係咁衝入去，佢去緊廁所㗎嘛」，清潔工即指「佢都未痾，我入去係⋯⋯」，港男再表示「我都入咗去，點解你可以再入去」，清潔工再稱「佢未痾啊」。不過清潔工講講吓，則向港男道歉，道歉過程中，更疑似想喊，道：「靚仔，唔係鬧你，對唔住，對唔住，對唔住」。港男見對方道歉，當刻都表示接受。

港男向港鐵投訴：吓，佢仲喺度做？

以為事件就此完結，港男其實有再去港鐵發送電郵投訴，而港鐵回覆他指「相關工作人員已調去做其他職務」，港男聽罷即指「吓，即係佢仲喺度做啊？」，港鐵則回應「佢會去其他車站服務，確保不會再出現在荔景站」。港男表示，清潔工硬闖有人使用中的洗手間是應該正視的問題，不能以「你男仔嚟啫，阿婆有咩未見過」就算。

網民：做男人做得你咁小家

清潔工硬闖廁所的事件接連發生，但網民看完港男訪問後，卻是一面倒反罵港男，斥其小器！留言中指「清潔姐姐已經道咗歉，個男仔又接受咗道歉，點解仲要投訴想地鐵炒佢? 做人要寬大啲，婆婆這麼大年紀，仍然要做清潔維持生計，生活艱苦，為何要咄咄逼人?」、「小器男揸到咁正，人哋講晒對唔住都咬住，但自己用殘廁唔提，雙標到」、「都接受道歉仲有必要上東張講反件事？阿婆成頭白髮洗廁所生活已經唔易，又無幾多年可以做，有必要搞到人無份工先合你心意？其實男人老狗真係咪咁小器，小小嘢都攞岀來講，咁肉酸咪做男人啦！我祝你唔會老！」、「根本成件事始作蛹者係個男仔，好人好者去乜殘廁？之後被人鬧完條氣唔順要搵埋姑姐幫拖真冇鬼用！人哋老人家合十雙手向佢道幾次歉就算數啦，接受完又投訴人咁賤！如果覺得自己好理直氣壯咁點解要背面仲戴帽」、「我聽到個姐姐講對唔住我好心酸！好慘」、「聽到後面真係火火哋，人哋港鐵覆咗佢調去第二度，佢反問人仲喺度做？佢有佢唔啱嘅地方，但駛唔駛去到要人哋份工都無埋？點知再睇，原來人哋係鏡頭已經道晒歉，又播晒出嚟都仲要追究，好肉酸係事主你，好無風度」。