東張西望｜傳屯門大媽表面賣唱暗中賣身　「黃金畫面」曝光超踩界：勁過娜娜

屯門大媽疑表面賣唱暗中變賣身　收錢摸手、坐大腿全被拍下！

《東張西望》接到屯門中山公園附近的居民梁生投訴，指由2020年開始已有一群大媽聚集在該處唱歌跳舞，大媽團一人一個擴音器，就連對面大廈住高層的住戶都能夠聽到其歌喉一清二楚。他指「我閂窗都唔得，我個女得小學2年班都話好嘈，書都溫唔到」。除了噪音，最惡劣的是聚集了一群大叔老伯日日與大媽於該處尋歡作樂！梁生指最高峰時會有大約20名大媽各自開檔，引來大約100名大叔老伯到場聽歌、唱歌，「搞到烏煙瘴氣，佢哋又周圍小便，又『呼吸』又飲酒，啲人打賞大媽會100蚊咁畀」。

住戶：報警都根本無用

節目組於是親身視察，到必經天橋閩已見有幾個大媽在檔口唱歌，落天橋又有幾檔，而鐵絲網的另一邊又有幾個大媽唱歌，在場足足有幾十位大叔阿伯做粉絲支持。不過梁生指，自己曾就問題報警，但警察來到時大媽團就會「收檔」，等警察走又重新開檔，根本無法阻止。而在節目組拍攝期間，正正就見證了這個情況。有兩位阿Sir走到附近時，即有人通風報訊，大媽本來與客人唱得高興，卻突然「Sharp Cut」，並叫客人「一陣再嚟唱」，然後躲到草叢。兩位阿Sir見沒有動靜，便頭也不回地走，大媽團此時便再度重新擺檔，十足十「捉迷藏」！

大媽見警察即左閃右避有原因！捉實客人雙手「摸摸看」

至於為何大媽團如此害怕警方？唱歌製造噪音，第一次最多都是警告，但原來她們表面賣唱，暗底裹卻有不少「肌膚之親」之事發生！攝製組假裝成聽歌大叔到現場視察，與同場其他「真客」聊天，其中一名叔叔指「一般利是都20蚊，現金就$50 、$100咁畀囉，佢畀罐啤你，你就畀利是㗎啦」。而有另一名大叔指自己每天都會派$20-$50給大媽，而有大媽見到攝製組叔叔（章叔）「好生面口」，便上前主動「撩人」。

大媽指「你未嚟過？過嚟聽歌啦」，然後隨即開檔，一個擴音器、一枝咪、一部電話就已是自己檔口。大媽唱完一首歌後，主動行去章叔面前打招呼，更不停邀請他一同合唱。當章哥表示「一陣下午茶再嚟聽歌，你唱得好好聽啊」後，大媽即心花怒放，更用雙手握著章哥的手「摸摸看」，又似是不願放走他，十足十求愛的癡情女子般，依依不捨。

後來放蛇組轉戰另一檔大媽，對方同樣不停邀請他合唱，又提供免費水飲，攝製組於是打賞$10，大媽自然地收入袋。而當二人合唱得興高采烈時，就發生了「阿Sir巡場即收檔」事件，待對方走後十分鐘，又「重新登場」。不過，當時間越過得久，在場人事的情緒越來越高漲，大叔和老伯越來越興奮，大媽又唱跳得越來越熱情，此是就有「黃金畫面」出現！

黃金畫面終出現：坐大腿扭腰又扭臀

攝製組拍到有一對「大媽姐妹花」夾攻一位戴著帽的大叔，大叔近距離觀賞到二人的舞姿和聽出耳油的歌喉，簡直笑到合不攏嘴！而其中一大媽更把大叔放在枱上的錢拿起，交給另一位姐妹花，相當百厭，令大叔更為興奮！而此時，其中一位大媽越哄越近，最後更背對式坐下大叔的雙腿上，不停郁動，又扭腰又扭臀，大叔的表情就如入無人之境，笑到「見牙唔見眼」。

原來同類事情並非首次發生，有在場的叔伯向攝製組透露這群大媽有私下進行不道德交易，指「起初就會叫佢哋拉低少少心口，啲大媽好樂意㗎，幾百蚊就可以不道德交易㗎啦，有啲叔伯仲買埋樓畀佢，你話有無其他服務？緊係有啦！我有朋友都玩過」。

大隻中年漢為「大媽姣聲音」忠粉　見拍攝組拍片即打人恐嚇！

而到片段尾聲，攝組組鏡頭影著一名身穿黑色外套，打了格仍可感受到其「殺氣」的中年漢步向工作人員，舉起手指稱「你唔收機我報警，你想點啊」，然後大大力推撞工作人員，未知女主持梁敏巧是否被弄傷，不停大叫「嘩嘩嘩！報警」，而忠粉聽見就隨即想轉身逃跑。下場如何，就有待下集節目再公布。

網民：屯門市鎮公園變卡拉ok夜總會

「梁敏巧真係博，一個女仔行到咁埋，唔驚畀阿伯望」、「唔出動便衣！捉人過馬路都用便衣警察！！點解呢度唔用呢招呢！」、「無生產能力，仲攪到污煙瘴氣」、「自嗰位娜娜開始，成班廣東話都講唔正的大媽全部出哂嚟做呢堆唔怕馬上風嘅咸濕阿伯，有時真係懷疑是否因為全部都係專才所以唔捉」、「屯門市鎮公園卡拉ok夜總會，無需任何牌照，有導師教你跳舞，有人陪你唱歌，有人提供其他服務」、「阿伯阿叔遲D搵東張西望話自己比人呃錢，冇咗幾多錢，就係因為自己臨老入花叢」、「呢班人勁過屯門娜娜同Happy伯，無道德到極點」、「大媽姣聲音啊今次係」。