東張西望｜尖沙咀海傍變偷拍勝地 龍友日日舉機影靚女 事後仲話無問題
尖沙咀海傍變偷拍勝地 龍友日日揸機對正靚女不停影
早前網上有不少帖文指，尖沙咀海傍有怪叔叔出現，會拿著相機不停偷拍女生，更圖文並茂叫大家小心。據節目片段可見，確實連續幾日，一到下午4時左右便有拿著相機的龍友出現，在最多人打卡的樓梯位守候，每當看見到靚女打卡時，即會出動相機，不停在附近影相，而這群龍友並非「見女性都影」，而是會挑選對象］且並非影完一張就算，而時不停追住拍。
起初都是1-2名男士出現，後來越來越多手持相機的龍友聚集，當中戴著手套的一位男士正是網上被指的「怪叔叔」，他與另一人不停密密斟，原來是分享拍攝心德。而另一位黃色衫的男士更為進取，不停搜索目標對象，而這日他看到有女生穿著短裙打卡，即向朋友示意，指「呢個啦，幾好，幾靚」，然後就整群人上前圍住影，相當明顯。
《東張》派2名女工作人員放蛇扮打卡 被影後要求刪相
高角度拍照還未夠，有人更坐於樓梯「低炒」短裙女生，這個角度到底想影出甚麼來？而節目組為了「套料」，派出2名女工作人員扮遊客打卡，其中一位穿上短裙，而正當二人打卡時，戴手套的那位龍友又舉機偷拍，期間更突然搭訕，教她們拍攝技巧，更指「放心，唔使錢㗎」。而事後2名女工作人員上前表示可否刪相，朋友不願上鏡，他即很順攤地表示「緊係得，你話唔OK嘅我咪Del囉，你放心我唔係做壞事，我哋係玩吓影相㗎咋，試鏡頭，影咗2張咋嘛，刪咗」。
後來，有一對衣著打扮性感的女遊客在海邊拍照，他們又峰湧而至不停影，更走得相當近，後來其中一人影完更與該名女遊客分享作品，並指導動作，變相成為他們的免費Model。而女主持梁敏巧亦有上前訪問這群男士，問他們為何要對住女生不停拍照，其中一人即指「窈窕淑女，君子好逑，影吓相無嘢嘅，我哋絕對唔係偷拍，係人就影得㗎啦，有D人仲好開心我哋幫佢影相」，又指若對方說不，他們就不會影，「佢哋通常好開心，好接受」。
網民：《東張》平時夠係咁影人
網民指，眼見一大群人圍影確實不尊重，但質疑《東張》「平時都係咁追住人影，又唔見你話自己有問題」、「香港又確實無肖像權，但問咗人先，對方會舒服D囉」、「東張係咁話無問過人就影，唔覺得自己平時做嘢都係咁咩」、「畀成班呀叔圍住影，係人都驚啦，你一個唔做壞事啫，你點確保其他人」。
