東張西望｜富二代呃11人夾錢投資 以為有著數終陷百萬債局 網民鬧爆苦主
21歲女自稱富二代周圍呃人 11人被騙再被銀行追債1百萬
近日有11人上《東張》接受訪問，但看打扮而覺可憐，原來這11人都同被1女生騙錢！其中一受訪者指自己上班時認識了一名21歲女生，她自稱富二代、住豪宅司、全身名牌、上下班都以Uber代步，又會帶大量現金出門與朋友吃喝玩樂，更指自己家族有不少生意，出來打工都是為體驗生活。這名富二代女生（代號P）經常請同事吃喝玩樂，剛入職的時候，就自稱自己是11間護膚品牌的股東，另外都是某豆品廠老闆的女兒，上班是為了認識多一點同齡的朋友。
而一眾苦主指認識P的時候，因P平時上班對客人都很善良有禮，所以大家都認為她是一個善良有錢的女孩。 除了上班見面，放假也會相約一起出去玩，而身為富二代的P出手很闊綽。放假時候，她有免費澳門酒店，所以會帶大家一起去澳門玩和有免費酒店住，有時更在大家面前拿出一疊「金牛」數錢，所以大家一直都沒有懷疑P的家底。之後P就開始分享她的賺錢心得，指自己有高級銀行經理幫她理財，如果大家都想收高利息，P不介意大家把錢夾落她的戶口，而當中一個高息定期存款的計劃，只要每個月擺錢進去，就會有回報。
苦主們當時聽罷覺得有錢可賺，每人都放幾萬元入戶口，第一個月如期收息，到第二個月開始被拖數，而銀行經理亦有主動解釋是因為銀行處理程序有問題，會著手跟進。事後P再叫大家每人放3，4萬入戶口令戶口解封，解封後便可取回利息。基於有自己的投資在內，大家都沒有起疑心，前前後後共放40萬到戶口。
游說同事集體辭職轉做蠟燭生意 代開網上銀行戶口先知出事
收息賺極有限，P便跟大家表示想開一間蠟燭公司，提出全部人一齊辭職搞生意，P負責開店並租地方，申請BR，由於當時大家仍對P非常信任，因而大家集體辭職，以受聘的形式與P一齊打理生意。當時P以月薪3萬僱用苦主，並叫大家開網上銀行戶口方便出糧和「整靚公司盤數」。但最大問題是網上戶口並非苦主們自己申請，而是P代為開戶。工又辭咗，店又開咗，唯錢一直都未到過苦主手上，大家開始心有懷疑，於是7月再追問P，P即指「一定會畀返我哋」，更出動媽媽聯絡眾人，指「我知佢爭你哋好多錢，都知你哋等錢用，問親戚借咗錢，比D時間，大約一星期比返錢你哋」。
網上揭發惡行始知為慣犯
時間已過，伯母消失，P寫千字文道歉後亦一同人間蒸發。苦主們因而在網上開了IG帳戶警世大家，公開P的作為，誰知即有人指自己早已中伏，揭露P原來一直都以同一手段騙財，更是「唔熟唔食」，甚至十幾歲開始行騙。張小姐指自己以前因向P買護膚品而成為朋友，當時P同樣叫對方參與高息定期存款計劃，再叫她投資P的生意，當每次問何時有錢收，對方都指「公司數有D問題，要遲D比返你，最後Block埋我」。而經過一連串事件後，苦主們更開始收到銀行追數信，有人在不知情下被指欠債一百萬，而最驚人的是原來一直以來的「銀行職員、會計師、律師、媽媽」都是同一個人！
網民：有無咁蠢？
報道出街後惹來極大迴響，有網民指「當上一課啦」，認為「真正嘅有錢人都有自己的社交圈子，唔會無緣無故同無錢人一齊玩囉，況且三番四次咁提錢投資，擺明係騙局，仲係唔醒悟，真係人蠢冇藥醫」、「我都賺夠啦，係時候俾其他人賺下，笑死，呢句說話平時當講笑，居然有人當真，真係奇妙」、「真正有錢人最現實，點會同你班友仔分享揾銀途徑? 正所謂無功不受祿，有人對你無故闊綽非奸即盜，切勿貪心」、「人蠢無藥醫，貪飲貪食又貪心。稍為有腦者都不會齊齊辭職，仲要不斷投入資金去所謂新公司喇」。
