商場自動門意外｜《東張》揭74歲阿伯被撞到癱瘓 商場以1解釋撇清關係
74歲港伯被自動門撞到下半身癱瘓 哭訴：我咩尊嚴都無晒
74歲的黎伯指，自己在2023年6月時發生此宗意外，住粉嶺的他當時出門找子女一同慶祝父親節，豈料經過商場這度自動門時，自動門竟自動關上，尾龍骨被撞以致整個人跌倒，全身麻痺，更一度不醒人事，即使子女打電話他也未能接聽。被門撞跌後，自動門並無停止關上，更不斷開關開關，繼續撞向黎伯。
而當時黎伯即被送到北區醫院，經醫生檢查後，報告指由於黎伯當時上半身向後落地，導致頸椎骨折，而碎骨更壓著其他部位的神經，以致下半身癱瘓。後來黎伯被送到安老院照顧。「我而家手都係麻痺，腳郁唔到，連揸筷子都揸唔到，隻手打橫都拎唔到嘢，無嘢做無收入，我都唔知點」。
黎伯原本為活潑好動的人，經常周圍去玩，但現時只能躺在床上待人照顧，他指「真係咩尊嚴都無晒」。而他的女兒每次看到爸爸的情況都忍不住落淚，事關她知道爸爸怕自己成為負纍。黎伯更向節目組表示：「我好想快啲死，唔使負累啲仔女，我又唔使辛苦」、「我仔女而家因為我無晒自由，無晒自己時間，我好希望可以快啲好返，自力更生，自己出嚟做嘢搵錢使」。
重回事發現場心感恐慌 仔女為搜證親自實測自動門
而事發現場，就是他們一家人生活的回憶，原本充滿美好時光的地方，頓時變成惡夢之地。但由於黎伯住的安老院正正在事發現場的樓上，所以每次要經過他都不情不願。「我晚晚發惡夢，我以前帶仔女嚟呢度玩，今時今日竟然要坐輪椅，我行街唔敢行呢度」。而子女為求搜證，亦帶同攝製組到涉事商場的自動門做測試。當時黎伯兒子站在自動門的過路位置，但自動門如偵測不到有人，仍繼續關上。而兒子稱當時自動門夾下來的力度並不輕，撞到頭都會痛。
街坊同樣表示曾被夾到 商場：是次純屬意外
而女主持吳幸美亦在現場做街訪，問及街坊有否曾被夾到或聽聞過自動門有問題的事宜，豈料有數名小朋友都同時表示曾被夾到，稱自己行過時被自動門撞到，又試過放學時被門夾。除了小朋友，該屋苑範圍其實都住了不少老人家，有數名老人家都表示「呢度門時不時都壞㗎啦」，被「夾到」已不是新鮮事。
不過，黎伯子女表示，曾向商場就意外查證，卻只得到商場一個「荒謬」回應。黎伯女兒指當時出過律師信給商場，禁止「郁動CCTV片段」，而商場後來回覆指已找來公證行調查，指「今次事件唔關度門事，自動門並無失靈，黎伯當時企喺自動門盲點，所以純屬意外」。
商場撇清關係，令黎伯一家極為憤怒，而節目組更找來了專家和目擊證人去一一還原事件真相，在預告中表示「目擊者陸續現身，還原真相；專家分析指可能係感應器壞咗」。
網民：有盲點即係設計上有缺點囉
網民看到訪問後大表驚訝，想不到自動門可導致人癱瘓，毀了一生。而大家更留言指責商場，斥不負責任。「公證行自己都認有盲點。 有盲點即係設計上有缺點！ 點解不用負責？」、「明顯就有問題啦，正常一個自動門嘅設計係偵測到有嘢都唔應該自動關上，何況有人經過都自動關上導致他人夾親受傷咁仲唔係問題？」、「商場不肯公開cctv ，擺明有嘢啦」、「我都試過一次經過商場嘅一個自動門，我由門邊經過，度門突然間撞向我，用力頂住佢就開返，冇事就算數啦」、「作為街坊，呢度門係經常出事，唉」。
