杭州亞運｜港隊代表俞雅欣奪下亞運田徑首面獎牌 落淚感言獲港人激讚
廣告
杭州亞運｜港隊又再創下歷史性一刻！本屆亞運中，香港有運動員首次奪得田徑賽獎牌，令人十分振奮！而這位創下神蹟的港隊代表正是25歲的俞雅欣，她破個人記錄在這次賽事中力壓日本和印度選手，為香港田徑取下銅牌，可喜可賀！而最令人佩服的是，出發時俞雅欣腳部發炎，要服用止痛藥才可上陣比賽，在她堅持下成功突破自己上年6月做出的紀錄，更創下香港新紀錄。一眾港人得知後除了表示大力支持外，再稱「香港人真係以你哋為榮」，同時嘲諷另一位本身為港人卻向港隊聲稱受傷，轉投國家隊的足球員戴偉浚輸波，指「香港人嘅堅持，永遠都係取得勝利嘅主因」。
杭州亞運｜港隊首奪田徑項目獎牌 25歲俞雅欣力壓印度選手
全場歡呼！港隊又創下超卓成績！香港運動員一直努力為運動付出，即使弄得滿身傷患都仍然堅持到底，希望讓世界知道「香港運動員唔係垃圾」。港隊的努力，世人一直都看到，而今次亞運中再有港隊為田徑項目創下紀錄！昨（2日）香港女子田徑代表，25歲的俞雅欣在女子跳遠決賽中，以破香港紀錄的6米50，奪得香港本屆亞運第一面田徑獎牌，奪得季軍，力壓同場日本及印度選手。
俞雅欣：真係好感動
奪獎後俞雅欣不禁落淚，指「真係好感動，呢個賽季真係好辛苦，苦盡甘來，經歷好多嘢，又換過教練，好開心今次可以同教練Animo創造呢個成績，想話畀大家知香港教練同運動員可以做到」。而教練亦指好開心看到她有這個成績，「我愛你，你真係做到，上次全運會陪唔到佢，佢成日都話要做到畀我睇，你今次真係做到，做得好好」。
港人：香港運動員好嘢！
港人不斷為她而歡呼，更指「香港運動員勁揪」、「香港之光，運動員功不可沒」、「好勁呀，港隊好爭氣！加油加油」、「受傷都有呢份堅持，真係好佩服」、「勁過印度，彈跳力超強，真係跳遠之后」、「香港運動員好嘢，你哋努力無白費，全世界都見到」。
港人反嘲戴偉浚：知唔知點解你輸波
眼見港隊不斷創佳績，有港人趁機揶諭另一名同是香港人的足球運動員戴偉浚，事關現年24歲的戴偉浚於香港出生，到去年成為中國國腳。據悉，他以往曾入選香港青少年代表隊，香港球迷對他亦有相當大的期望，不過在2018年他被邀請入港隊時，卻報稱自己有傷，後來球隊牛津聯踢爆指他原來已到荷蘭與中國U21代表隊跟操，令香港球迷極為不滿。而在亞運中，港足歷史性晉級四強，在八強賽事中以1:0擊敗伊朗；相反國足剛敗給韓國，八強止步。因此不少人湧入其Instagram留言狂嘲，指「轉陣又唔係好成績，知唔知點解，因為你無香港精神」、「笑死人啦國腳，香港運動員屢創佳績，你呢，咩績呀？」、「香港人嘅堅持，永遠都係取得勝利嘅主因」。
關鍵詞
網絡熱話
圖片來源：Instagram@sfoc_hk、有線新聞截圖、Instagram@official_tsun.d25
