有錢人出街全身著LV真係好睇？　港人熱議得出4大結論：錢唔係萬能

港人好奇：全身著LV行出街真係好睇？

近日有人於Facebook群組「好Fashion呀你」貼出2張照片，一張照片應為LV廣告宣傳照，另一張為一位男士從頭到腳都穿著LV產品的照片，並留言問：「認真討論，其實咁樣着晒全身LV出街算唔算好睇？」，結果引來逾百人討論。

網民熱議：生壞咗就著咩都像A

對於此話題，有網民留言指「人哋鍾意著咩咪著咩，關你咩事」、「只有1類人會對於呢個話題有興趣，就係無錢又羨慕人嘅平民」、「何必討論，每人價值觀都唔同」，不過就被反擊指「咁講乜都唔使討論啦」；而另一邊廂，有網民就認真討論並帶出4個結論如下：

1.有錢唔係大晒

「好國慶囉，以前我好鐘意LV，自從見到全中國都拖住行街，我即停用同掉晒」、「用錢請自己做名牌代言人而不獲大眾接納好慘啊」。

2.銀包手袋都仲話OK，著衫變到成個X智仔咁

「其實LV啲銀包手袋都仲話OK，但真係唔明LV衫/褲有咩咁好睇，印成堆logo喺上面，好似個X智仔咁」、「女仔都仲好D，男人由頭到腳真係搞唔掂。

3.無氣質真係著咩都無味

「時裝嘅嘢好多時係睇氣質。氣質好著咩都好睇，生壞咗就著咩都像A」、「上次搭地鐵見到個講英文華人，由頭到腳都LV不特只，仲有10幾樣手飾帶埋喺身，著到咁都只係人，不是LV級的人，似足聖誕樹」、「外國人較高大才著得好睇」。

4.講到底都係你的樣子如何

「要名模咁樣高大身材，好厭世臉先handle到啲衫」、「睇人著，外國人著ck!!man；港仔著ck !mk」。