旺角172呎新樓月租5位數　全屋只放得一張床　1原因被網民鬧爆︰個業主呃人

旺角172呎新樓月租過萬　業主：可以享受生活

近日有人在Facebook 「自己物業自己放，租買免佣」放租旺角新樓，他指單位鄰近3個地鐵站 ，大概5至10分鐘就到達旺角、油麻地、旺角東， 開放式實用為172呎，適合1至2人的享受生活，高樓底。更聲稱街市就在門口，亦有超市在樓下，方便住戶買餸，不用吃隔夜菜，又能解決雪櫃小的問題。另外亦有會所和健身室，月租為$11,500。

全屋只放得一張床　網民斥細得過份︰仲叫我享受生活？

在圖片所見，單位為新裝修，以木色和淺色系為主，大門口設密碼鎖，屬於「一眼望晒」的類型，開放式單位沒有房間，只有一角為開放式廚房，設有露台，但露台只可容納約一至兩人。而廁所則為乾濕分離，但從相片亦可預計較細面積。

雖然單位是靚裝，但其實實用空間不算多，假設將雙人床放到近露台位置，單位只僅餘些少空間，難以再放一張食飯檯。

網民：租咗真係會懷疑人生

網民看到帖文後，大部分都不滿單位的設計，認為實用空間不足，就算樓齡較新，亦不會考慮。而且業主對單位的形容亦被網民質疑。「煙廠街10分鐘到旺角東，咪玩啦你」、「租咗都會懷疑人生」、「呢D業主真心抵鬧」、「呢個業主話好近鐵，係呃人」、「我連房都無間，仲叫我享受生活，你話有無道理」、「租咗都會懷疑人生」、「最xx係172呎仲要set個開放式廚房」。

資料來源：FB@自己物業自己放，租買免佣