同朋友去旅行注定反面？！網民鬧爆9大惡頂旅伴行為：慢慢疏遠無下次！

9大雷隊友行為｜1. 毫無時間觀念

事主就在帖文中寫到，自己的旅伴沒有時間觀念：「日日都搞到勁晏先出到門，或者成日都要跑住咁趕車。有時分開行下，約定某個時間地點見面，又會過晒時都未返嚟，勁無嚟搭霎」

9大雷隊友行為｜2. 淨係望手機

現時唔少人都係手機中毒者，幾乎不能在沒有手機的情況下生活，不過去到旅行仍然機不離手，就唔係人人都可以接受。事主就控訴朋友熱愛使用Facebook、Instagram等等的社交平台：「佢又唔係好似KOL咁瘋狂打卡update近況。只係無意義咁碌，一日可以幾個尿袋都唔夠用，借埋我個尿袋俾佢都chur晒，到底你係去旅行體驗當地人生活，定係轉咗個地方做緊香港平時會做嘅嘢？」

就有其他網民表示同意，說到：「我個fd都係瘋狂玩social media玩到無晒data，結果要同佢喺當地再買電話卡，去得7日都買咗兩次電話卡。」

9大雷隊友行為｜3.不願意食當地食物

去到其他地方旅行，總會有一些特別的食物，就有網民抱怨朋友不願意食當地的食物，儘管己經係乾淨衛生亦都不願意，令人頭痛。

9大雷隊友行為｜4.以為有錢大晒，對當地人不尊重

9大雷隊友行為｜5.自私，不為他人著想

有網民表示：「想去嘅地方就吹人去，人地想去嘅就畀面色人哋睇。」、「以為自己係公主，要估佢想做啲咩，好難頂」、「突然間黑面，自己走左去，又唔出聲，更影響去旅行嘅氣氛。」

9大雷隊友行為｜6.又懶又freeride

去旅行前總有很多事情要準備，不少人都會一起分工，因此都討厭freeride的存在：「唔幫手plan行程都算！問你意見揀咩酒店又潛水唔出聲，都算！出發前得我一個騰嚟騰去搞唱錢，同埋去深水埗買上網卡，我就出錢出力，得佢舒舒服服！」、「不停點人做嘢，自己己得把口，唔幫手、唔用腦埋怨！」

9大雷隊友行為｜7. 金錢糾紛

無論幾friend都好，一講錢就會傷感情，就有網民抱怨朋友唔會夾錢，只會花自己的金錢，不過情況調轉，對方就會馬上問你拎錢。

9大雷隊友行為｜8.影相打卡難題

去旅行當然想留在倩影，因為去旅行影相總會出現2大問題。分別是嫌棄對方沒有影相技術：「都明白唔係嗰個人都係專業攝影師，但係我幫你影到咁靚，你幫我影嗰啲張張都炒車，構圖同角度都出晒事，好意思咩！」，以及認為朋友係打卡怪「幫佢影相話人影得佢對腳唔夠長，臉唔夠尖，眼唔夠大」。

9大雷隊友行為｜9.爭廁所用

經歷一日的行程大家都已經非常疲倦，不過總有人就要搶先用廁所，就有網民表示：「去完玩嗰個都好累，總有個人係都要話自己沖先，話接受唔自己沖涼嗰陣個地下係濕，都算！但係可唔可以快啲！搞咗成半個鐘都未沖涼，好離譜！」、「沖完涼好似打仗咁，整到成地水好噁心」、「仲有當酒店係自己屋企咁，沖足成個鐘係想點？」

同朋友去旅行注定會出事？

為此，唔少網民紛紛認為「去一次Trip就知個 friend或甚至伴侶能否長久相處」、「講到底都係自己責任，事實證明要帶眼識人，唔好出發先知原來係傻X，到時就真係喊三聲」、「自己一個去旅行就唔會有呢啲問題」、「同人去旅行不嬲都onX」、「自己去旅行最爽，應該要去試一次」