麥美恩拒絕同方皓玟做朋友 小明發文回應稱講笑：我唔怕食檸檬㗎
方皓玟懷疑麥美恩叫佢「食多啲嘢」
方皓玟早前拍片回應一眾連登仔的負評，笑言「無諗過今時今日我仲會上連登，方皓玫個Threads都幾特別？哈哈哈！」，她表示有網民問「見過麥美欣戈個未？」原來麥美恩曾在其社交平台Threads上發文表示「風都吹得起，食多啲嘢啦唔該」，被網民對號入座認為在影射方皓玟。對此方皓玫發出疑問「食多啲嘢啦唔該，咦，佢係咪講緊我？我留言畀佢先。麥美恩，如果你講緊我，你同我單聲，我會回應你，唔使喺Threads度講！」
麥美恩求方皓玟「高抬貴手」
方皓玟即時用攝影師的電話留言問麥美恩「你係咪講緊方皓玟啊？」，意外地獲得麥美恩極速否認「唔係啊。唔係啊。唔係你啊！我已經5G衝浪回覆Cam Man哥哥，多謝你幫我解釋返！」
而在麥美恩澄清後，方皓玟再追問「做個friend可以？」，嚇到麥美恩搞笑回應「吓。我好怕羞㗎喎！」、「高抬貴手」。麥美恩事後亦澄清指，帖文所講的是她喜歡的港泰混血藝人鄺玲玲，她在一再留言叫大家「高抬貴手」。
相關文章：方皓玟拍片反擊連登仔負評 麥美恩無辜躺槍急呼4字回應
麥美恩疑拒絕做朋友
麥美恩日前出席活動時，被問到是否拒絕跟方皓玟做朋友，她尷尬地透露「係，我有拒絕佢，我冇follow佢，我係怕醜」，又叫方皓玟不用道歉和不好意思，坦言自己最初只是不知道如何反應和回應；當記者追問她是否願意和方皓玟做朋友，她就笑指「可唔可以有男仔追我我會開心啲？多謝你邀請，方皓玟，我問吓許文軒意見先，佢同佢熟啲」。麥美恩的回答令一眾網民覺得反應與平日大情大性的她不同，好奇是否別有內情，甚至有不少傳媒報道此事。
方皓玟再次發文回應
方皓玟周一（17日）轉載相關報道，標註了麥美恩並表示「Mayanne 其實你真係唔駛驚喎，我睇到依家仲驚過你呀，邀請你做朋友好明顯係講笑㗎咋，傻豬唔好咁認真啦」，她又解釋指，當初其實只是出於禮貌而邀請對方做朋友「唔駛驚唔駛驚，我唔怕食檸檬㗎，做人唔使太認真嘅。做朋友都要講緣份嘅」。她其後再留言補充，「今次都真係好多謝@mayannem啊，我平時都好少主動識朋友嘅，今次佢嘅回覆都令我人生上咗重要嘅一課。我明白到自己食檸檬嘅能力原來係強過蔡辛強㗎，同埋以後提出識人真係要帶眼識人啊。」
