小學數學題 答啱都要改正 老師指有2大錯處 數學科都有「正字」！？

數學題答案正確也被要求改正

1. 三角形穿頭、未埋口

最近，有家長網民在社交平台Threads 上分享了兩條數學題的相片，涉及「分數」和「繪製三角形」。 在第一題中，學生已根據題目要求的指示畫了八個三角形，答案雖然正確，但因三角形「穿頭」和「未埋口」， 所以老師要求學生在括號改正。

2. 分數數字未完全置中

該名家長網民也分享了另一張照片，學生在分數題中寫下了「十二分之五」，答案本身無誤，但由於數字未能完全置中， 故被老師以「注意格式」的印章標記，並在旁邊寫了括號示意學生改正。

家長批太挑剔：而家嘅學生好慘

數學題答案正確， 卻因格式和畫法問題被要求更正。對此， 該名家長無奈表示：

「關於矯枉過正嘅問題…我明白中文字可能會捉得嚴啲 但連三角形同分數嗰0.0000幾偏差既置中距離都要咁挑剔，我真係覺得而家嘅學生好慘」

網民：太癲，MS Word咩

事件引來網民關注和熱議，「第一張都算，第二張真係好誇張」、「個老師其實係咪有強迫症？」、「老師畫嗰個三角形都好樣衰下」、「Viu嗰套電視劇 冼老師」、「置中，MS Word咩」、「三角形同分數置中事小，老師捉我個仔句號唔係上下置中，老師講完之後，我空氣靜止咗」、「咁樣真係好打擊小朋友學習興致」。

期間也有老師表示太離地，「圖二太癲啦 我都會捉對唔正位 尤其寫直式個陣 因為對唔齊真係會影響計數 但佢呢個寫得已經好置中好齊啦…咁都要挑剔」、「作為老師，我都覺得會唔會太離地。DSE TSA都唔會因為你唔置中唔比分，學校高層上至下都想得太多。」

此外，有人指出「其實好多時唔一定係個老師捉得嚴，係因為查簿或查卷嗰陣，有啲黐線同事係都要搵啲位出嚟話改簿或卷嗰位老師做得唔夠好（冇錯教育界就係咁多心理變態嘅人，特別係女人，利申本人女並非厭女），極之建議家長遇到呢啲情況要打電話同學校溝通，甚至個別case要企硬投訴，如果唔係只會變本加厲。」

其他家長的分享

其中一名家長也在貼文下分享就讀小一囡囡的功課，甚有同感地表示：「我女小一時呢份功課可以跟你仔既媲美」。