大媽搭巴士專吼學生哥打尖　趁巴士埋站即衝前　高大猛男1招對付獲拍手叫好

Jul 11 2023

巴士是不少人每日賴以進出的交通工具之一，因此每到繁忙時段都總會大排長龍，亦會有很多人為了有位坐而盡量迫入車廂。不過，車位有限，加上大熱天時要排隊太辛苦，部分臉皮夠厚的人可能會出「茅招」，例如「扮嘢」打尖。日前，有街坊就影到一位大媽等巴士時堅決唔排隊，更專吼學生哥作為打尖對象，其他人見到不作聲，幸得排後面一位高大猛男忍無可忍，使出1招KO插隊大媽，獲一眾網民大讚「夠晒正義」！

大媽等巴士專吼學生哥作打尖對象

有時遇見等巴士堅決唔排隊，到處打尖的人總會十分不忿，但有時為了一時風平浪靜，只會默默承受，因而令到打尖的人越來越肆無忌憚。日前，有街坊於Facebook專頁「長沙灣街坊」發帖文，影到一位大媽在等巴士時，不但堅決唔排隊，更在隊伍內專吼學生哥打尖。在街坊所拍攝的照片中可見，巴士埋站時有一位女學生正排隊慢慢上車，惟一位大媽卻「扮晒嘢」跟在女學生後方，意圖打尖上車。

打尖大媽等巴士堅決唔排隊。 — 大媽等巴士堅決唔排隊。（圖片來源：Facebook@長沙灣街坊）

打尖有網民見證大媽打尖一幕 — 有網民見證大媽打尖一幕（圖片來源：Facebook@長沙灣街坊）

高大猛男忍無可忍　默默使出1招KO插隊大媽

被尾隨的女學生當然未有出聲，惟後方一位高大猛男就疑似忍無可忍，不滿大媽的厚臉皮行為，因而決定緊緊跟隨插隊大媽，更仗義出聲勸阻。雖然大媽是次成功插隊已成定局，但至少有高大猛男出聲阻止，有機會令大媽下次的打尖行為稍為收斂。

打尖估計大媽已是插隊老手。示意圖，非當事人） — 估計大媽已是插隊老手。（示意圖，非當事人）（圖片來源：ViuTV《大叔的愛》劇照）

網民大讚高大男子夠正義：都唔係第一次係咁！

照片在網上瘋傳後，大批網民大讚高大男子「夠正義」、「都係靠呢啲人幫手出聲」，又直指現時越來越多「恃老賣老」的大媽大叔頻頻打尖插隊，「睇死啲後生唔敢話佢」。亦有網民揚言其實這些情況已經不是第一次發生，「要啲大媽排隊好似攞佢命」，更有人分享指自己曾在排隊時，獲大媽上前詢問「我腳痛，陣間可唔可以跟住你上車？」怒斥這群插隊黨真的「人無恥則無敵」、「而家打尖好似啱一樣」。