戶戶送4月7日後撤出香港 Keeta發文悼念惹眾怒 IKEA抽水文反獲網民大讚
相關文章：戶戶送攻港9年無奈撤出 4月7日後將停運 由競爭對手Foodpanda接手
戶戶送撤出香港 Keeta發文惹眾怒
戶戶送（Deliveroo）昨日（10日）下午宣布撤出香港市場後，競爭對手Keeta於晚上約9點在Threads上發文寫道：
「呢9年辛苦你了。
應承你，我哋會繼續守護每個香港胃。將新鮮熱辣嘅美食用最快速度送到每一戶~
#welcometoKeeta #送得快多嘢嗌」
帖文隨即引起網民討論，大部分網民怒斥Keeta「冇品」抽水，留言表達不滿：「應承我，學下點用Hashtag先出嚟攞景？」、「落井下石，劣幣驅逐良幣的代表作」、「贏咗都要攞尾彩，你地都幾無品喎。你老細approved你地咁做架？」、「雖然我係Keeta打手 但分唔到你地今次係人品差定純抽水。一個香港扎根咗咁耐嘅品牌，真係需要攞景咩？」、「下一個執笠分分鐘係你，唔好咁開心住，等緊你的花生」、「收X啦 學下人地ikea同deliveroo小編先啦dXXm」、「deliveroo指定叫人過檔用熊貓，冇你份，過主啦」、「講真，打贏人就靜靜地贏就算啦，而家咁衝出黎串鳩人真心冇品」、「我明白你哋係cheap過人，但估唔到咁cheap」、「懷疑keeta嘅小編第一次喺threads上流量，關公到咁都唔捨得del post」、「真係最佳marketing 教學，唔係樣樣野抽水就會贏」、「一睇個hashtag就知你唔識用threads….」、「串X到呢，就算最後香港得返你一個平台都唔會用」、「無咗Deliveroo都唔會用你依個中資Keeta」。
另外，亦有網民趁機催Keeta退錢。該名網民轉載其發佈於1月的帖文，當中寫道她於2點半落單，結果卻於3點50分才取餐通知；然而打開門卻不見任何餐點，原來送餐員送錯地方，但無論打電話或聯絡客服都沒有任何回覆。她於Keeta的帖文上轉載事件並催促「你肯退錢比我未」。
宜家傢俬IKEA抽水文卻獲大讚
另一邊廂，宜家傢俬IKEA就以「嗚戶戶戶戶戶戶戶⋯」為題發佈抽水文，當中寫道：
「家家都要買衣架
戶戶都會掛住你」
帖文同樣引起網民熱烈討論，不過與Keeta不同的是，IKEA的帖文獲網民大讚「多謝你願意放棄自己隻黃色，用佢哋嗰隻藍色紀念佢地」、「全世界嘅小編我只佩服你哋」、「識英雄重英雄！ 你同袋鼠都係出色既小編，希望你公司頂得住！」、「ikea請埋 deliveroo_hk 小編啦」、「ikea 果然唔會令人失望」；亦有網民對IKEA表示擔心「中港城淘寶傢俬體驗店殺到黎，IKEA還好嗎」、「如果袋鼠有你呢種小編就唔洗執」、「希望你唔係下一個」、「先係uber eat，再到戶戶送… 希望下個唔係你」。
