港女冇著衫企路中心怒摑男友 怒吼威脅：拉我啊！搵人報警救你啊！

街頭爭執引爆網絡熱議

相關影片自昨日（12日）晚上在多個社交平台及討論區流傳，片中見到該對情侶站在馬路中心嘈交，其中女方脫至全裸，大聲質問男友「點啊！」，再用力掌摑他一巴。

她怒吼著要求男友報警「嚟啊！大街大巷除晒衫你仲唔報警？搵人嚟救你啊！你唔係好慘好委屈㗎咩？搵人拉我仲好啦。」，其後不斷逼近男友，甚至伸手扯衫「拉我啊！搵人報警救你啊！」，影片至此結束。

網民反應兩極

影片在多個社交平台及討論區瘋傳，不少網民表示「（女方）個氣場好勁」、「好強」、「冇衫着都不落下風」、「條仔一睇就知係廢，無晒男人尊嚴」、「年輕就是任性」；不過亦有網民批評女方行為離譜「點解一有乜事就係街全裸鬧交？」、「嘈到咁激，遲早散」、「郁啲就玩除衫除褲……正正經經同佢分手算啦」、「真係諗唔明，鬧交咪鬧交，無啦啦除哂衫做咩啫、自己除衫又唔會傷到對家，反而仲樣衰」。