港男狠批日出康城、盈翠半島居民特別白鴿眼　引網民共鳴：懶係高高在上！

Sep 14 2023

香港地階層觀念嚴重，就連住邊區，買定租都會是界定一個人出身的準則。早前有港男大爆自己出入青衣盈翠半島時被其中一住戶夫婦嫌棄，避開同𨋢上落，而同類型事件已不是第一次發生，指出盈翠半島及日出康城的居民都自帶優越感，生咗對「白鴿眼」。結果引來大量網民共鳴，紛紛講述自己到以上兩個屋苑的經歷，更指「明明我住層樓貴過佢，但就因為見我係嚟做嘢就咁對人，憑乜呀，你棟樓唔值錢啦」。

港男出入盈翠半島被住戶嫌棄拒一同入𨋢：憑咩？

港男在「LIHKG討論區」發文，表示自己有一日到訪居住「盈翠半島」朋友家，離開時剛好同層另一戶夫婦亦正在出門口，但一見到樓主便「好似見到鬼，彈到遠一遠」，並寧願等下一部升降機，由於以往他亦經歷過相同遭遇，便認為住「商場上蓋偽豪宅嘅人覺得自己高高在上」，同類型屋苑「日出康城」的居民也同樣「覺得自己好有優越感」。

康城網民自己一個等𨋢卻無辜感到被屋苑住戶歧視。 — 網民自己一個等𨋢卻無辜感到被屋苑住戶歧視。（圖片來源：《堅離地愛堅離地》劇照）

康城樓主認為該對夫婦「睇我唔起咁」，唔想同佢入同一架𨋢。 — 樓主認為該對夫婦「睇我唔起咁」，唔想同佢入同一架𨋢。（圖片來源：《香港愛情故事》劇照）

狠批盈翠、康城「偽豪宅」居民自命中產＋白鴿眼

盈翠半島位於港鐵青衣站上蓋，第一期及第二期分別於1999年及2000年落成入伙，第一期當年在開售當日全部沽清，並引起炒賣，但正因為盈翠樓齡已經有23至24年，論價值已經比不上其他新樓，加上「本身青衣自己都係荒島嚟」，被樓主狠批自以為是，不明白為何「盈翠睇落啲住客好似個個唔想同我一部lift」！

日出康城年青夫婦業主累街坊

日出康城位處於將軍澳工業村以北，港鐵康城站及將軍澳車廠上蓋，是多個發展商綜合發展的項目，第一期於2009年落成開售，當年被標籤為籤為「堆填區」、「垃圾臭味」，樓價比將軍澳其他私樓低，直至後來區內新盤及基建相繼落成才逐漸受到中產家庭歡迎。所以有網民分析康城住戶自以為高尚的白鴿眼是源自自卑衍生出來的自大，再加上區內新盤的一兩房單位目標對象是趕上車的年青夫婦，買到樓自然有一定優越感。