巴士大媽放袋霸佔二人位 港女不適求讓座竟屢遭批踭 後續1舉動險釀意外

公共交通上的自私行為

該名港女在Threads上發文，表示日前身體不適遂搭九巴68A回家，上車後見到有窗邊位置有空位就想坐下，但當她走近時見到有名中年大媽坐在該座位旁，把其手袋、外套、羽毛球拍等隨身物件佔據該座位。事主禮貌地說「唔該」要求讓座，大媽卻表現非常不情願地緩緩把物件拿開，此時樓主表示毫不介意「我後面無人等咪等下囉，完全無催過佢快啲」，但當大媽整理好個人物件後，樓主苦笑指「執完仲（係）唔知點入好」，因為對方「腿張開咁嘅款…真係好難入」。

最終事主成功坐下，但隨即就發生一連串不愉快經歷。她透露，坐下後不斷被大媽「批踭」，甚至直到事主落車準備行出通道時，大媽竟然用力踢她的小腿。事後事主在帖文中怒斥「我後生我無事，如果嗰個係阿婆，整親（阿婆）你就大X鑊」。

網民的反應與建議

帖文發佈後引起網民熱烈討論，不少人怒斥大媽行為自私「點解畀1個人車費，想坐2個位？」、「宜家好多人坐巴士都喜歡放啲嘢在隔籬座位」、「好似四圍都多咗呢啲自私X」、「見人陸陸續續上車都應該有意識拎起自己啲嘢，騰返個位出嚟啦，好多時都係好唔願意咁嘅樣，甚至乎『jip』出聲，西晒面咁慢慢拎起啲嘢等人坐入去，品行低劣」；另外亦有網民建議樓主「以其人之道，還治其人之身」，「臨落車我會X佢」、「佢點對你，你咪點對佢」、「如果係我，個位咁窄，行出嚟嘅時候應該會好唔小心，手踭撞到佢個頭」、「下次架車可能chok（擢）一chok，然後唔小心一腳踩埋去」。

不過有網民就質疑事主可以坐關愛座「前面有關愛（座）你又唔坐，咁鍾意同人迫，你都可以搭地鐵」；她就解釋，當時有很多小學生上車，寧願讓給他們坐，眼見後方有空位就不想「濫用關愛坐」。