巴士阿伯因1事單挑2港男：我唔打你唔姓X　真實身份曝光曾獲特區勳章

灰衫男因1事與巴士阿伯起爭執

周日（6日）有網民咗Facebook群組「巴士的事討論區～更新版」分享多段影片，指當日乘搭從旺角往元朗方向的268X巴士上，有位阿伯因為大聲講電話而引起身旁的男乘客不滿，雙方發生激烈爭執。片中見到，坐在近玻璃窗的黑衫阿伯正和身旁的灰衫男爭吵，灰衫男拍打自己臉部挑釁「Come on！」，黑衫阿伯則要求坐在另一邊的外傭「「take a video of him，take a video！」，灰衣男狠批「真係啊，愈老愈惡啊而家？」，阿伯駁斥「你都未X見過惡人！」，隨即被對方反嗆「而家見到囉」。

爭執辣㷫其他乘客

此時坐在鏡頭外的1位男乘客因為搖頭而被阿伯喝斥「你做咩搖頭？」，該名男乘客就揶揄阿伯「只說不做」，阿伯惱羞成怒，反過來挑釁灰衫男落車打交「佢落車我就同佢打。落車打啊！」，男乘客聞言又說「講咁多嘢做咩啫，幾廿歲，收下火啦」，老伯向他咆哮說「我X你啊！關你X事咩？你擰頭做咩啫，你擰頭就係撩我！你對我擰頭就唔X得」。男乘客再反駁「唔好周圍撩啦，你真係好X煩！你係叻嘅就唔好坐呢啲車啦！」，阿伯說「點解唔好坐呢啲車啊？我有車有司機！跟我返屋企，睇下我啲司機同車！」，雙方一來一往用粗口互相辱罵，阿伯激動地用手指指著男乘客「你再話我戇X，話多聲！我指你點X樣」、「落嚟（落車）打啦！咁X多人聽住！」此時，灰衣男指着自己臉部「打啊！打！我喺你隔籬」，阿伯竟揚言「兩個一齊打！」，但馬上又說「我X你啊！打你？戇X！70歲就俾你恰啊！X你老X」，灰衣男不禁失笑「無人恰你啊！咁你係錯啊嘛！」，但阿伯不認錯「我點X錯啊！」。雙方繼續互相挑釁，坐在另一邊的外傭就叫阿伯坐過，望以藉此平息爭吵，但走過對面後仍「火力十足」甚至一度想橫跨走道打人，所幸外傭即時阻止阿伯而未有演變成肢體衝突。

巴士阿伯走到車門隔空挑釁

未幾，阿伯就走車門位，隔空挑釁2名男乘客「跟住我落嚟！」，惟他們未有遵循，反而嘲笑阿伯「一路打一路走，廢柴！」，影片就此結束；另一段影片就見到，阿伯仍然站在車門位置與2人隔空互相挑釁「廢柴落嚟打！X你老X！落車打！兩個一齊落嚟同我打，畀觀眾睇到70歲都打得贏你」，更揚言「你落嚟我唔X打你我唔姓許！」，雙方繼續互相挑釁，阿伯一直站在車門位置，影片就此結束。

巴士阿伯真實身份曝光

相關影片被廣傳後，有網民發現涉事阿伯是廉政公署前首席調查官，曾獲得「特區勳章」的許家民。及後許家民回覆傳媒查詢透露內情，他表示當時並非因為「大聲講電話」而引發衝突，真正的衝突原因是「口水」，他透露當日坐車時想聽歌，於是叫外傭拿來耳機，但由於外傭自己也正用著耳機聽歌而未有清楚聽到其要求，外傭走近詢問時不小心把口水噴到男乘客的手，因而引發爭吵。許家民坦言，當時並非「撩交打」，未想過僅僅一個小意外可以引發如此大風波：

「講真，如果撩佢打，佢哋兩個人啊嘛，我邊夠……我77歲，佢哋兩個後生仔嚟嘅，如果要打，佢哋打死我都得啦。如果我喺度撩交打，佢哋咪即刻報警囉，點解無晒事，畀我落車嘅，我唔係惡晒㗎嘛。」