巴士司機發爛停路中心 因1事難忍滋擾開咪怒駡乘客 網民力撐：鬧得好！

巴士司機開咪怒斥乘客

近日有網民在Facebook群組「屯門友」發佈相關影片，片中見到巴士停在路中心，並聽到巴士司機開咪，情緒激動地怒罵「繼續講啊！繼續大聲啲傾計啦，唔緊要㗎！」、「後面講嘢大大聲，好似開會議咁啊喺度」、「頭先播咁多次廣播就應該醒水啦吓嘛」。

據樓主所指，該班巴士向屯門公路轉車站方向更細期間，在準備駛出屯門公路時就突然停在路中心，疑似因為下層乘客談話聲浪過大，期間司機曾發出多次廣播等都無人理會，結果司機覺得受到嚴重滋擾、影響行車而選擇停車處理。隨後司機準備重新開車時，片中見到前排乘客在竊竊私語「做咩事啊？」，又左望右望想找出「真兇」，影片至此結束。

網民一面倒力撐司機

影片發佈迅速被廣傳，引起網民熱烈討論，網民一面倒力撐司機「撐司機！」、「唔評論其他，但可以講你知一路揸車一路聽住佢地大聲講電話睇抖音，係好困擾的」、「唔好話揸住架車吖，坐車聽到都好困擾」、「其實公共地方應該不要發出太嘈吵的聲音，何況在巴去上，會影響人和司機駕駛啊，應該自重」、「可以想像得到嗰D三姑六婆，傾偈越講越大聲！越講越興奮！」、「搭巴士，輕鐵常見。上一代啲人，中氣好， 見到老友好興奮， 講個不停。一個鐘上車講到落車， 長舌婦。睇片聲， 打遊戲機聲， 啲人當公衆地方係喺屋企咁！司機做得好啱，車廂咁嘈， 你坐佢附近都聽到煩厭啦！何況司機又要留意馬路交通情況。」