火爆阿伯1原因大鬧巴士 發難大罵司機仲想咁做 網民一面倒力撐車長

現場衝突詳情

近日有網民Facebook群組「巴士的事討論區~更新版」以「新年流流，為何搞到大家唔開心呢」為題發佈影片，樓主表示年廿九（28日）當日，1對老夫妻在香港仔巴士總站等候城巴970X巴士，當巴士逐漸駛至時卻因為巴士站有「死車」阻擋而未能如常「埋站」，停在行人過路處前的路中心。眼見巴士久久未能「埋站」，阿伯就衝上車並吩咐司機「落板」，但司機就指巴士所在位置沒有壆位，而輪椅斜板不夠長無法落板，故以安全為由勸對方多等一會，在輪椅位等巴士「埋站」，或轉到漁暉道車站上車。

阿伯聽後激動發難，不斷喝罵指「架車可以放低㗎，唔好蝦我呀」、「我叫你落，就落，我負責任」，他站在車門位置對司機大喝「快啲」，又想自行拉出輪椅斜板，司機見狀連忙說「你唔好搞呀，唔得自己落呀，唔得咁樣㗎」；阿伯駁斥「唔得咁你咪落板囉」，此時司機表示要報警處理，阿伯隨即走向駕駛座說「報警都冇用㗎」，司機見狀即大叫「你唔好行埋嚟」。雙方僵持不下，期間有位途經市民上車勸交，但阿伯就不斷表示「我上車，佢話唔落得板」、「架車可以放低㗎，佢唔好蝦我呀」、「我唔理你，你落唔落」、「我叫你落，就落，我負責任」，但該名市民聽完司機解釋後也認同「你咁搞好危險喎」、「佢要埋到個壆位先落得（斜板）」，隨後阿伯和司機爆發激烈罵戰。

隨後有不少車上乘客上前勸交，但阿伯不予理會並拿出手機揚言報警，勢要阻止巴士開出「唔好講嘢，我報警」。

未幾有1位巴士公司職員及2名警察到場調停，警員勸喻老夫妻上後面一架巴士，惟阿伯態度堅決表示「唔得，我一定要上呢架，我係要玩到佢盡為止」，他更一度把婆婆推到巴士車頭位置阻礙開車。最終，一名警察把阿伯帶到行人路協商，坐輪椅的婆婆則和另一名警察在路邊聊天，而涉事巴士上多名乘客選擇下車離去，事件告一段落。

網民一面倒力撐司機

影片發佈後隨即引起網民熱烈討論，網民一面倒力撐司機，並怒斥阿伯野蠻「反社會人格，唔搞事會身痕」、「壞人變老了」、「架巴士斜板唔夠長落唔到平地，要喺個壆，上面候車區先得，梗係兩蚊大帝唔啱，前巴士公司車長」、「人哋撈低埋架車都斜台太斜上唔到喇！個老公仲要推個老婆去車頭擋人車，都唔知話佢愛妻心切定推老婆去咩好」、「巴士公司應民事訴訟阿伯，賠償損失，咁鍾意玩？」、「應該告返個亞伯公眾地方行為不檢兼違反交通條例，一世唔比佢哋坐巴士就岩啦！」、「應該平時惡慣咗，吓吓要人讓佢，稍一有人不從，就發爛渣」。