屯門驚現「少女睡衣黨」為1事街頭問人科水網民：當買旗！

Sep 3 2024

各區街頭不時都會出現操普通話的「借錢黨」，向路人借小額現金。近日有市民發現屯門有一群身穿睡衣的少女在街頭四周問人拿5蚊搭車，網民笑稱她們為「少女睡衣黨」，她們會穿上真理褲並在輕鐵站隨機問路人拿錢，網民意見兩極？！

屯門現「少女睡衣黨」拎＄5搭車網民：著晒真理褲當買旗啦

在社交平台Facebook的「屯門友」專頁上，有人分享了這些少女的行為，她們穿著睡衣短褲，在兆康輕鐵站附近向路人索要5港元以支付乘車費。「兆康輕鐵站圖中兩位著睡衫上衣少女周圍問人拎5蚊搭巴士，佢問我，我話無，佢哋就行返入商場，睇衣著外型似住附近」。這一帖文迅速引起了網民的熱烈討論，有人表示遺憾未能遇到這些少女，「做個朋友先」、「如果問我，起碼比五舊啦」、「5蚊太小，Call Uber給佢，同司機講一定要到目的地先可以落貨」、「哎呀琴日錯過咗，今日去碰下運氣先」、「少女問拎五蚊，同大媽問拎五蚊，可以爭好遠」、「兩個人先問你拎$5 ，抵比啦」「籌旗夾公仔」「街坊裝下嘛」「兩條女著晒真理褲當買旗都冇左啦」

網民意見兩極應警惕：有手有腳唔做嘢問人攞錢

雖然有部分網民對「少女睡衣黨」表示出好奇和支持，但也有人認為應該對這種行為保持警惕。「報警啦，有手有腳唔做嘢問人攞錢」、「總之各位小心啲呀，呢期好多人周圍問人攞錢」、「有錢染髮冇錢搭巴士？」、「一人比$5，好快夠錢買包煙，有啲人無散紙，可能比$10-$20」、「大陸人又問人攞錢，遇到唔好比，反問佢要唔要警察幫忙，其他區都發現」、「我想講係身上拎一個五蚊銀出嚟好鬼死難，但係每人五蚊積少成多」。這些意見反映了社會對於街頭乞討行為的不同看法和態度。