將軍澳驚現「迷暈黨」專揀1類人落手 街坊自爆中招經歷：控制唔到身體

將軍澳驚現「迷暈黨」

樓主以「街坊注意」為題發帖，表示自己早於去年12月29日約晚上六點半，在將軍澳唐俊街唐吉訶德（DON DON DONKI）外，有一對女子懷疑在區內騙錢，她們會選擇在燈光昏暗的地方問落單男子，並聲稱自己「無錢開飯」。樓主透露，2位騙徒主要由高個子的負責去答訕，另一位較矮的「可能手中預備不知道什麼煙而有所動作」，事敗後就馬上掩面逃向港鐵站方向，令樓主懷疑是「迷暈黨」。

有受害者自爆中招經歷

帖文發佈後隨即引起群組成員熱烈討論，不少人都表示在區內多處見到這對「迷暈黨」，有人透露「係富康花園，5:45出現問人要錢」、「今朝先入咗嚟將軍澳村問我老公可唔可以借錢俾佢食飯！就係佢兩個」、「坑口都見過類似手法，又係兩個女」、「嗰日喺寶林邨寶寧樓都有兩個，追住啲阿叔阿伯攞錢，大家小心」。

留言區中更有街坊自爆中招經歷：

「早幾日我中咗招……類似『迷魂黨』，感覺好似被人強制索咗啲『乖乖水』咁佢講乜你做乜，身體控制唔到，但清楚知道自己做緊啲咩，咁就撳咗幾千蚊畀人。」

有網民回應表示「可能迷魂煙，喪失反抗能力」、「真係有迷魂煙，最近好多細路仔女喺尖沙咀畀咗錢人」；另外有人提醒「大街大巷就唔敢用迷魂煙嘅，單車徑就好難講，總之將軍澳嘅居民小心啲啦，尤其是開舖頭嗰啲，佢哋通常會兩三個一齊入嚟，分散你注意力，就會偷嘢」。

不少網民感謝樓主「樓主好嘢，多謝提醒」、「多謝見義勇為」，並讚樓主做得好「係要咁樣對呢啲人嘅，大聲喝佢大聲叫佢啱㗎」，同時鬧爆兩女指「衣著光鮮， 防不勝防」、「有手有腳唔工作 走去呃人錢」，呼籲街坊小心「大家真係要留意」。