港媽巴士「成本簿飛落頭」逼女背書 囡囡反應令人心痛 乘客講1句母即停手

港媽巴士狂鬧女兒至體無完膚

近日由網民在社交媒體Threads上發文，表示「今日搭巴士目擊一件好悲慘嘅事」，一對母女坐在事主對面，該名媽媽向女兒表示「你今晚唔溫好書，11點都唔會有覺好瞓啦」，事主批評該名媽媽態度惡劣，但女兒也只能答媽媽「知道」，隨即拿出默書背生字。

事主透露，女兒背生字的過程中， 就算懂得很多生字，但其母依維持惡劣的態度指罵女兒：「其實我聽到果個小朋友都識得好多生字，但只要小朋友錯一個生字，果位媽媽就鬧到佢體無完膚」。

該名媽媽表示：「你咁樣真係有上過堂咩？少少字你都唔識得串，你咁樣真係影衰我，今晚你唔好阻住我瞓覺㖭啊，同埋你今晚同我溫到滾瓜爛熟你先好瞓覺」，然後再對女兒說些帶有人身攻擊的說話。

港媽「成本簿飛落頭」女兒反應令人心痛

事主指，「個媽媽由上車到落車都不斷地鬧個細路女」，而最令事主感覺太過分的事「就係佢用本默書簿成本嘢飛落去個細路女頭度（佢地隔咗條走廊坐），兜頭打落去佢個頭度叫佢背清楚啲生字。（至少兩次）」；不過女兒也只能「以笑遮醜執返本默書簿上嚟背生字，同叫媽媽唔好嬲幫佢背生字」，她的即時反應令人相當心痛。

最後，作為目擊者的事主於臨落車時，忍不住向該名母親說：

「將來你個女自殺唔再喺你身邊，你唔好喊唔好後悔」

對方聽到後，便立刻停手沒有再責罵下去。

目擊者感嘆：難怪香港學童輕生率咁高

這宗事件令事主非常感觸，雖然觀察到該名媽媽屬「有啲學識」，但認為她對女兒毫不尊重，不禁令事主慨嘆「好難怪香港小學生都會有咁高嘅自殺率」。事主留意到香港學童輕生個案，但他有感「估唔到咁樣都俾唔到阻嚇力家長」，「喺街上連少少尊嚴都唔俾個小朋友」，令事主疑惑「我想像唔到佢係屋企會被家長點對待！」

事主透露自己是在不健康家庭中長大的，又指自己所做到的是皮毛之事，但他只想希望更多人關注家庭成員的心理健康，認為有愛的溝通能解決很多難題，「希望其他小朋友或大朋友都可以感受到家人嘅愛與溝通」。

惹網民熱議：其實囡囡已經好生性

這一事件迅速在網絡上引起了廣泛的討論，許多網民對該名女孩表示同情，並對這種過度施壓的教育方式表示反思。香港的學童自殺率一直是社會關注的焦點，此次事件再次突顯了家庭教育方式對兒童心理健康的潛在影響。

網民表示「提醒得佢好岩」、「呢個post好值得大家參考同反思」、「其實個女孩已經好生性。呢D怪獸家長真係一個都嫌多」、「無同理心既人唔應該生小朋友，好明顯個老母就係無同理心。利申：係呢啲屋企成長，長大後先發覺成長環境真係好影響人既精神狀態、性格，係呢啲家庭成長既細路出到社會好蝕底。」

此外，也有網民擔憂女童，「喺街都咁，屋企點算」，不過有人則認為事主不應主動提及自殺此類字眼，「出聲係啱，但小朋友會聽到嘅話，你咁樣反而植入咗自殺等媽媽後悔呢顆種子喺小朋友個心入面。個媽媽呢一刻會停口係因為佢仲知咩叫做尷尬又甚至只係反應唔切，但返到屋企咪又係一樣，esp 佢可能係有情緒病。如果一定要開聲嘅話，可能同小朋友講：你已經好努力做得好好㗎啦，對小朋友嚟講係一個小肯定，對媽媽嚟講係一份尷尬，雖然唔排除都係會trigger 到佢」。