港女呻男友對自己好孤寒 呢3樣嘢堅持AA制 網民勸：快啲分手？！

港女指事業有進心卻在金錢上斤斤計較

港女發文指自己的男友事業心強，對她也很體貼，但在金錢上的態度卻讓她感到不解。她說：「男朋友冇咩脾氣，事業都好有上進心，對我都好好。但對我既好係會車出車入，我唔舒服果D對我好照顧，暫時同佢真係未鬧過交。基本上好多時間佢都係陪住我，見我一有唔開心都會盡力令我開心。」她更稱連身邊朋友都覺得男朋友待她十分好，經常讚賞男朋友。

港女對男朋友體貼行為亦沒有投訴，唯獨指出男朋友對錢銀上很孤寒，可能一齊食飯都很堅持AA制，去旅行用的洗費亦計得很均真。另外，有時候叫男朋友幫手買少少東西，價值不貴重的，但男朋友都會主動問她討回金錢，以上三件事件令她十分卻步應否繼續發展下去。

港女表示曾遇男朋友探討過金錢觀上的問題，她提到男友的過去和對未來的擔憂：「拍拖前佢都有提過自己細個好窮，所以大咗對錢好執著。但時間耐咗去到有毫子位，佢都會同我計得好清楚，初初都覺得公平冇咩所謂。而家佢開始提到將來，我都突然好擔心如果將來佢都係咁，我又ok唔ok呢…」這種矛盾的感受，讓她對未來的感情生活感到不確定，網民們對於這種情況給出了不同的看法和建議。

網民對男朋友金錢觀反應兩極

這個話題引起了網民的熱烈討論，亦產生意見分歧。有人認為：「你同得佢一齊應該唔介意錢銀嘢。」「數目分明同孤寒係兩回事」。有人認為這是男友的性格問題，「唔關細個家貧，係性格問題，我同學父母都係大學教授，從小生活富足，但佢女朋友話佢對錢銀非常計較。」亦有網民指出，雖然係有點奇怪，但覺得可以接受，比起嫖賭飲吹這四大惡習，根本不算得上是甚麼導致分手的罪惡理由。「你都識講，佢有其他咁多優點，如果只係得對錢銀斤斤計較呢個問題，整體都係一個好男人，你應該好好珍惜。」「如果男友優點多過缺點，我會欣賞佢為人數目分明」。

部份網民勸分手

另一方面，也有人持相反意見，指港女在愛情和金錢觀念之間的掙扎，反映了現代戀愛關係中不合適，有人認為這種金錢觀念可能會影響到將來的家庭生活。

「分手啦…咁既男人睇錢大過天，第時結婚你必後悔!」還有人提出建議：「妳試下觀察佢啲錢去哂邊，如果對自己好肯洗錢，對你孤寒，咁妳諗下要唔要同佢結婚。」「拍拖aa還好，如果婚後都咁樣玩……」 「冇經濟能力既女人，都想搵一個有能力既男人照顧」「如果男人對錢，算到好似d婆仔咁，基本上，都唔會有咩出息。」「毫子位都計就真係太誇張！」