孕婦坐關愛座被2醉酒阿伯單打　稱「D位係畀老人家坐」　終難啞忍大力反擊

孕婦坐關愛座都俾人鬧？兩名醉酒阿伯言語單打：後生唔應該坐

有自稱高齡孕婦的女士在工作了14小時後，帶住一大批嬰兒用品，在北角站乘搭地鐵。孕婦指自己感到非常疲累，於是就坐關愛座。但過了不久，有兩位滿身酒氣的阿伯上車，其中一人就坐到她的身旁，然而卻開始出聲單單打打。「個位應該是老人家坐、俾有需要人士坐，後生唔應該坐」。

孕婦當場反駁仍不敵阿伯　場面難堪

孕婦聽到後反駁指自已大肚，而阿伯亦聲稱不是講說話給她聽，但卻不斷與同行阿伯大聲討論關愛座，言語中更暗示孕婦坐關愛座就是錯。「阿伯話要取消關愛座，又話只適合知書識禮的人坐，讀咁多書都唔讓座…」阿伯的說話令在場不少人對孕婦投以目光，令孕婦非常難堪。

孕婦再大力重擊：飲醉酒唔代表可以亂話人！

後來阿伯的言語更愈講愈明顯，而孕婦指自己因為四肢纖瘦，旁人難以看得出她是大肚，但又難忍阿伯的冷言冷語，逐在鰂魚涌站時，大聲反擊，斥責兩名老伯「飲醉酒唔代表可以亂話人」，同時堅決不會讓座。孕婦認為當時在車上一直沒有人幫忙「大住個肚都要返工返咁多個鐘，點解要讓畀呢啲飲醉酒又要讓座嘅人，仲要畀佢兩個話？我前世欠咗香港啲X老？我就係知書識禮至知道呢啲嘢唔應該啞忍」。

網民力撐孕婦：老人座咩！

而網民都力撐孕婦，覺得關愛座只要有需要就可以坐，並非只是「老人座」，有人亦認為兩名老伯恃老賣老，單單打打是在欺負樓主，「最X憎啲人恃老賣老，唔使因為呢啲人勞氣」。

資料來源：Facebook@51黃金良心圈