天瑜父親澄清：無為女兒拔喉 哽咽講述離世原因 原來幾日前已出事⋯

幾日前已經出事：要求家人儘快來見最後一面

周天瑜去世後，父親於昨日現身TVB《東張西望》受訪表示，其實本月7日女兒已經出事，他哽咽講述當時狀況：「當時我哋去到醫院，護士替佢抽奶，當時護士同我講天瑜腸道未能懦動，跟住話佢食物、藥物未能吸收。於是當時就唔畀嘢佢食，只係輸葡萄糖水。之後3月8號醫院都打過嚟畀我，氧氣濃度已經用到好高，但佢有血含氧量降低嘅情況。」

直到前日（10日），醫院再通知周父，指天瑜的心跳一度跌至零，並要求家人盡快到醫院見周天瑜最後一面。

澄清沒有為天瑜拔喉

除此之外，周爸爸想藉此澄清，一直被外界指是其家人決定為天瑜拔喉，事實上並非事實，他透露女兒是「自然離世」，「之前我哋都有共識，因為如果佢已經唔得，仲夾硬要用強心藥逼佢（天瑜的心臟）跳，佢會好辛苦。

天瑜真正死因

他續說：「其實唔係我哋決定拔喉了結佢，我都聽到坊間啲講法話父母決定拔喉、送走佢，但我想講返情況唔係咁，天瑜係自然地慢慢衰竭，係慢慢心跳、呼吸停頓咁走。」

離世一刻：佢好用力睜大眼睛望媽媽

提到愛女離世一刻，周父的眼睛馬上含淚：「佢好用力睜大眼睛望媽媽，當時我同太太一人企一邊，佢望一望媽媽又望望我，之後見到佢心跳變零，同埋臉色開始變白。」

他表示，雖然早已知悉女兒的病情，坦言「都預咗有呢日」，惟未有足夠心理準備，「可能對佢嚟講係解脫，等佢唔使咁辛苦。但睇住自己小朋友慢慢離開，感覺係……唔知點形容。」