大埔單車男連偷2店$29餅乾杯麵 當眾被擒跪地求放過 後續發展曝光
廣告
昨日（19日）傍晚大埔發生了一宗偷竊案，1名單車男在大埔連續搜掠2間店舖，隨後被路人截停並報警處理，警方最後以「店舖盜竊」及「未能出示身份證明文件」拘捕該名男子。
現場情況與警方行動
昨日（19日）傍晚約6點47分，警方接報大埔有人偷竊。據了解，1名男子在大埔踩單車期間在一間雜貨店偷走一包價值$20餅乾，及後在另一間雜貨店偷走一個價值$9的杯麵。隨後，他在大明里經過公園時被路人截停就擒。Facebook群組「大埔人大埔谷」有街坊拍下被擒一幕，見到一個身穿圍裙、戴上膠手套的人，手持一把鎅刀和一袋食物，站在被擒男子面前，而被擒男子跪地求饒，神情非常可憐，據留言區街坊所稱，該男子表示自己「無錢食飯」才會偷餅乾杯麵。
警方接報到場，經調查後以涉嫌「店舖盜竊」及「未能出示身份證明文件」拘捕該名男子。
網民反應兩極
相關帖文引起群組網民熱烈討論，有網民笑指「好有氣勢呀，成個功夫入面嗰個包租婆，係爭咗支煙咋」、「唔睇標題以為有人求婚」、「我以為求婚添⋯⋯！」、「我以為求婚現場添」。
不過針對被擒男子，網民反應就較兩極，有人認為報警處理做得好「打999啦」、「每個人都要為自己嘅行為負責」、「咁大個人有手有腳，做咩唔正經搵份工呢」、「呢啲偷竊賊，一次都不能放過，一次都嫌多」、「有手有腳唔揾工做？」；另外亦有網民為男子感到心酸「我當然覺得偷嘢唔啱，但見到畫面，偷嘅居然係一袋蛋糕/麵包，唔知點解覺得好心酸」、「如果真係佢肚餓而偷嘢，就放過佢吧」、「其實好可悲，窮到要偷野食」、「算啦，杯面都要偷咁慘」、「若果佢真係冇錢買嘢食⋯⋯放過一馬」、「去到餅乾杯麵都要偷嘅地步，可能真係山窮水盡⋯⋯」。
圖片來源：FB@大埔人大埔谷
