圍方開幕2日即上演港女肉搏師奶仔 碌地起飛腳 嗌報警後事情急轉彎
廣告
大圍站新開商場圍方The Wai開幕時人頭湧湧，想不到2日後更加發生肉搏事件！近日網上瘋傳一段影片，片中可見圍方The Wai一間新開張店舖門外，有港女與師奶仔互相伸腳掃腿打到齊齊跌在地上，並互相指摘對方，終以報警收場。影片更引來網民熱議，笑言「圍方好旺市」、「開市第一炮」。
圍方The Wai開幕2日即上演師奶仔大戰港女
近日於Facebook群組「香港突發事故報料區」有一影片瘋傳，41秒的影片可見圍方商場內的韓印紅，剛開張已「非常熱鬧」。1名穿熱褲港女與1名斯文打扮師奶仔在店門地上糾纏，港女更不停起飛腳踢片中對方，更「食住個勢」轉身跪在地上不停拍打師奶仔。師奶仔看似無力反擊，不斷用雙腿防守。
師奶仔叫報警 港女即走：你報囉
雙方打得激烈時，一名疑似同行男人上前拉開港女，港女後退時大叫：「打人啊！佢打人啊」。而師奶仔站起來後反駁，「妳打人先㗎！走埋嚟打人，離晒譜㗎妳 ！報警囉，唔好走」。
而此時事件峰迴路轉，疑似港女同行男子聽到師奶仔講報警時，雖當刻無懼無畏般回應「報啊」，話畢即與港女急急腳離開。對方追前用電話拍攝，並叫「唔好走啊你」。
網民：係咪公關手段做宣傳
影片在網上瘋傳，即引來網民熱議，指「係咪公關手段做宣傳」、「圍方真係開張到而家都咁熱鬧」、「同場加插剪綵儀式」、「旺一旺佢先，做第一個」、「圍方打架真的好興奮」、「開市第一擊」。而警方亦表示將案件列作「襲擊致造成實際身體傷害」處理，現正調査事件。
資料來源：Facebook@突發事故報料區
圖片來源：Facebook@突發事故報料區
