外國男駕四輪車搭港鐵獲放行 網民鬧爆大細超反被勸體諒：真相唔係咁簡單
廣告
近日網上瘋傳一名外國男肆無忌憚地駕駛一輛猶如放大版的Mario Kart進入港鐵範圍，不少人看見後均非常震驚，指「明明超過港鐵規定嘅體積都入到閘？到底佢係點入」，更指港鐵職員看到對方是外國人便放生，反而只懂「捉兩蚊雞嘅阿婆阿伯」。事年在網上備受討論，不過就有人走出來籲港人體諒，更指「呢架車唔係普通車」。
外國男揸「Mario Kart」搭港鐵被瘋傳 港人不屑：點解佢會入到閘？
近日網上瘋傳一名外國男肆無忌憚地駕駛一輛猶如放大版的Mario Kart進入尖沙咀的港鐵範圍，入閘前明明有職員看到但竟然可順利入閘，連人帶車搭港鐵，不少車廂內的人士見狀都大感驚訝。而該輛紅色車更有擋風玻璃、倒後鏡發車頭燈，懷疑「點解可以咁光明正大喺條路到揸」，更指「乜港鐵附例唔係講明體積大過規定就唔畀入閘㗎？到底呢個外國人係點上到車？」
港人：樂器同畫架唔畀入，見外國人就驚青？
網民亦留意到相中的外國人身穿紅色F1賽車外套，笑指「AKIRA亞基拉部戰車俾地鐵職員送咗出站，佢襯埋呢件衫，真係好似落場比賽咁款喎」。不過有更多人留言指港鐵大細超，指平日「拎住大少少嘅嘢都畀人阻入閘，今次咁大架車都放，係咪職員唔識講英文就笠水放生？」、「咁樣都可以入到車廂，咁遲啲電單車都可以駛入去車廂啦」、「點解入得但無人捉…咁癲咩」、「平時成日捉學生、年青人、樂器、畫架；反而床褥、雪櫃、連車都得，真係無嘢係唔可能」。
紅色戰車實為電動輪椅 港鐵稱職員已上前了解
正當大家一面倒鬧爆港鐵之際，亦有人留言指「大家唔使咁嬲住，體諒吓啦」，指相中的紅色戰車實為一架電動輪椅，讓唔方便走路的人使用，亦不用人手推動。而相中的「車」只因噴上紅色所以未必人人認到，並指「外國人不清楚規矩，由港鐵糾正錯誤就好了，過多的冷嘲熱諷，對傷健人士，真係冇必要，還不如建議一下合適的交通工具」，亦有人提到「呢架車喺外國好興，只係香港地方有限啲」。而港鐵回覆傳媒時指，昨（29日）港鐵車站助理在尖沙咀站留意到一名乘客使用電動輪椅，於是主動上前了解和提供協助，其後該名乘客向車站職員出示行動不便證明書，職員了解其需要後，該乘客就繼續行程。
關鍵詞
網絡熱話
圖片來源：Facebook@香港50-60-70年代懷舊廊、Facebook@大圍聯盟
