壽司郎推長者快證惹公關災難 1個步驟唔駛排隊？！店方後續回應另一真相
廣告
乘搭公共交通工具時，因「關愛座」這三個字而不時引起爭執，令一眾年輕人儘管幾累都不敢坐下，怕被批評，想不到這個戰場最近竟轉移到壽司郎！事關近日壽司郎推出「長者Fast Pass」活動，稱只要做一動作即可由「壽司郎為您同您至愛嘅長輩們留座」，結果惹來網民批評，指「搭車關愛座仲嫌唔夠煩，而家食餐飯都要關愛食？」，十分不滿。但亦有人指「睇清楚個玩法先講嘢啦」。
壽司郎推「長者Fast Pass」 符合1條件即優先入座
近日壽司郎於社交平台上指聽到大家的心聲，「好想帶長輩嚟壽司郎食壽司，但擔心長輩嚟等位太辛苦，所以一直冇機會帶長輩嚟壽司郎食飯」，於是推出「壽司郎Fast Pass」，希望食客可帶上最愛的爸爸媽媽爺爺嫲嫲公公婆婆一齊到壽司郎，，店方會為長輩們留座，並希限定福袋。起初有人以為是愚人節的惡作劇，但官方留言指「今次係堅㗎」。
網民反應激烈：今次真係公關災難
活動一出，引來網民熱議，留言直斥「今次真係公關災難」。事關網民對長者優先十分不滿，指當初關愛座已弄得一團糟，現時連用膳都要長者優先，十分離譜。留言指「咁我唔幫襯啦，唔X想排隊排到懷疑人生」、「唔想畀呢啲咁嘅vip打尖。身為消費主力竟然唔係最受重視嘅一群，好失望」、「又係佢哋優先，樣樣嘢都要讓佢地，喂大佬我哋係主要嘅消費客群、真心好唔公平」、「其實有心嘅，後生攞位，長輩遲啲先出發係常識吧？你個講法好牽強」。
不過亦有人為店方發聲，指活動詳情並非人人有份，「人哋講明限定100位，唔係無限」。
壽司郎活動詳情
翻查官方社交平台的活動介紹，受惠者要到指定網站回答簡單問題，壽司郎會選擇最有心意的100位回答者，為長輩們預留座位，並送出限定百福袋乙份，而非「人人有份」。
圖片來源：壽司郎官網、Facebook@Sushiro HK 香港壽司郎、KMB九巴專頁
