壽司郎推「沒有人氣三味」日本人反而超鍾意 網民：睇見都覺腥
廣告
壽司郎的熱度多年來都不減，更會不時推出新品或新配搭推廣產品，受歡迎程度不容置疑，有網民更成立了香港壽司郎關注組，每逢新品就會即刻有人去嘗試然後提供食後感。近日，有網民發現店方推出一款名為「沒有人氣三味」的組合，指「笑死，以為自己睇錯」。而帖文更惹來熱烈討論，不少人指「又真係從來無食過呢3款」、「睇相都只會諗起一個字：『腥』」；不過亦有網民指「根本好好食，咁唔識貨」！
壽司郎推$17「香港壽司郎沒有人氣三味」 網民：以為睇錯，笑死！
近日有網民於Facebook「香港壽司郎關注組」貼出一張相片，相片中展示著香港壽司郎$17「香港壽司郎沒有人氣三味」，更標示著「被低估」、「沒有人氣」，而這「三味」三正就是「小肌、鹽醋漬鯖魚、全生八爪魚」。
帖主指「笑死，以為自己睇錯！沒有人氣三味，咩鬼嘢！ btw我唔敢試小肌」。
網民：我成日以為好腥
照片惹起熱烈討論，「腥到哭，試咗你會後悔」、「我叫過一碟嚟食，望到個樣已經有啲唔敢食，最後夾硬飲啖茶吞落肚」、「too fishy」、「酸到無可能食到三件」、「見到啲三件嘢都冇乜胃口」。
識食之人：要為小肌平反！
不過，有識食得網民指要為小肌平反，稱「小肌同榴連一樣，喜歡嘅人好鍾意，怕腥嘅人掉頭走」、「我都每次一定要食，通常我會加醋咁樣浸一陣再加少少鹽，大家都可以試下」、「小肌我幾鍾意食，落柚子醋」、「食小肌多過食三文魚」、「係醋漬香港人唔識食」、「我覺得佢唔算最冇人氣三味，最冇人氣應該係茄子、青瓜卷同玉子」，亦有人相信是逆向推廣。
日本健康節目推薦有益壽司：小肌同醋鯖魚有份！
更有網民發現日本健康節目推薦十大有益壽司（經醫生推薦），小肌和醋鯖魚榜上有名，「腥王沙甸魚都有，三文魚係冇份嘅」。
圖片來源：Facebook@香港壽司郎關注組、《桃色杏色樱色》劇照）、壽司郎官網
