「堅尼地城」變「坚泥地城」惹熱議 網民拆解背後原因 路政署作出回應

社交媒體上的熱烈討論

近日，有網民在Threads上發佈一張照片，圖中路面標示應該是「堅尼地城」，但卻被用上簡體字寫成了「坚泥地城」，引起網民熱烈討論。

不少網友表示難以置信「由大陸工人負責補油，唔識繁體字」、「真係想X，1823有無得網上投訴？」、「寫開簡體字唔識寫繁體字？！」、「正式入侵香港？」、「負責工人唔識字，係咪連監工嗰個都唔識…」、「點解啲字可以肉酸到咁？」、「真係堅離地城」。

不過亦有網民指出，其實本港馬路路面多年前已經有使用異體字：

「大家冷靜d，其實馬路上既字好多都係用異體字（俗體字），好多年前開始已經係咁樣（97前），香港好多地方既馬路都有使用，好多時都比人誤會係殘體字」

另有有網民詳細解釋，表示這些標示並不是永久使用，通常都是路面工程的臨時補地，當整段路面工程完成後就會重新寫上標示，而針對帖文的例子則是工友使用臨時3M膠紙貼上，換言之工程完成後才會用油漆寫上正確的標示。

路政署迅速回應

路政署及後澄清，相關錯誤是港燈公司在現場掘路時，在地面貼上的臨時路面標記，寫錯「坚泥地城」，路政署已要求港燈公司作出更正。